അമാനുല്ല വടക്കാങ്ങര

ദോഹ: മുനിസിപ്പാലിറ്റി മന്ത്രാലയത്തിലെ അഗ്രികള്‍ച്ചറല്‍ അഫയേഴ്സ് ഡിപ്പാര്‍ട്ട്മെന്റ് ഉമ്മുസലാല്‍ സെന്‍ട്രല്‍ മാര്‍ക്കറ്റിലെ അല്‍ മസ്റൂവ യാര്‍ഡില്‍ ‘റംനസ് ആന്‍ഡ് ഹണി’ ഫെസ്റ്റിവല്‍ ആരംഭിച്ചു. ഫെബ്രുവരി 4 വരെ രാവിലെ 7 മുതല്‍ ഉച്ചയ്ക്ക് 2 വരെ ഉത്സവം തുടരും.

25 പ്രാദേശിക ഫാമുകള്‍ ഉള്‍ക്കൊള്ളുന്ന 10 ദിവസത്തെ ഉത്സവത്തില്‍ പങ്കെടുക്കാന്‍ മന്ത്രാലയം പൊതുജനങ്ങളെ ക്ഷണിക്കുന്നു. 15 പ്രാദേശിക ഫാമുകള്‍ വലിയ അളവില്‍ റംനസ് (കണര്‍) പഴങ്ങളും 10 ഫാമുകള്‍ പ്രകൃതിദത്ത തേന്‍ ഉല്‍പന്നങ്ങള്‍ വില്‍ക്കുന്നു.