2023ലെ ഫുഡ് ആന്‍ഡ് ബിവറേജ് അവാര്‍ഡില്‍ ഖത്തര്‍ ഡ്യൂട്ടി ഫ്രീക്ക് 12 അവാര്‍ഡുകള്‍
അമാനുല്ല വടക്കാങ്ങര
ദോഹ: ദോഹയിലെ ഹമദ് ഇന്റര്‍നാഷണല്‍ എയര്‍പോര്‍ട്ടിലെ എല്ലാ കാറ്ററിംഗ് ഔട്ട്ലെറ്റുകളുടെയും ഉടമയും ഓപ്പറേറ്ററുമായ ഖത്തര്‍ ഡ്യൂട്ടി ഫ്രീ തായ്ലന്‍ഡിലെ ബാങ്കോക്കില്‍ നടന്ന ഫുഡ് ആന്‍ഡ് ബിവറേജ് അവാര്‍ഡ് 2023 ല്‍ 12 അവാര്‍ഡുകള്‍ വാരിക്കൂട്ടി .
പ്രശസ്ത അന്താരാഷ്ട്ര പ്രസാധകരായ ദി മൂഡി ഡേവിറ്റ് റിപ്പോര്‍ട്ട് സംഘടിപ്പിക്കുകയും ആതിഥേയത്വം വഹിക്കുകയും ചെയ്ത അഭിമാനകരമായ അവാര്‍ഡ് ചടങ്ങില്‍ ഖത്തര്‍ ഡ്യൂട്ടി ഫ്രീ സീനിയര്‍ വൈസ് പ്രസിഡന്റ് താബെറ്റ് മുസ്ലെയും ക്യുഡിഎഫ് ടീമും ചേര്‍ന്ന് അവാര്‍ഡുകള്‍ സ്വീകരിച്ചു.
ഖത്തര്‍ എയര്‍വേയ്സ് ഗ്രൂപ്പ് സബ്സിഡിയറിയും അവാര്‍ഡ് നേടിയ ഹമദ് ഇന്റര്‍നാഷണല്‍ എയര്‍പോര്‍ട്ടും പ്രദര്‍ശിപ്പിച്ച നവീകരണത്തിനും നിക്ഷേപത്തിനും പയനിയറിംഗ് മാനദണ്ഡങ്ങള്‍ക്കും അനുയോജ്യമായ അംഗീകാരമായാണ് ഈ ശ്രദ്ധേയമായ നേട്ടം വിലയിരുത്തപ്പെടുന്നത്.
പ്രശസ്തമായ പാചക, ഹോസ്പിറ്റാലിറ്റി, വ്യോമയാന മേഖലകളില്‍ വ്യാപിച്ചുകിടക്കുന്ന ഏഴ് വിദഗ്ധ ജഡ്ജിമാരുടെ ഒരു സ്വതന്ത്ര പാനലാണ് ഖത്തര്‍ ഡ്യൂട്ടി ഫ്രീയെ വിവിധ രംഗങ്ങളിലെ മികവിന് പരിഗണിച്ചത്.
