എയര്‍പോര്‍ട്ട് കണക്റ്റിവിറ്റി സൂചിക 2023 ല്‍ ഏഷ്യ-പസഫിക്, മിഡില്‍ ഈസ്റ്റ് മേഖലകളില്‍ ഹമദ് അന്താരാഷ്ട്ര വിമാനത്താവളത്തിന് രണ്ടാം സ്ഥാനം
ദോഹ: എയര്‍പോര്‍ട്ട് കൗണ്‍സില്‍ ഇന്റര്‍നാഷണലിന്റെ എയര്‍പോര്‍ട്ട് കണക്റ്റിവിറ്റി സൂചിക 2023 പ്രകാരം, മൊത്തം കണക്റ്റിവിറ്റിയില്‍ ഏഷ്യ-പസഫിക്, മിഡില്‍ ഈസ്റ്റ് മേഖലകളില്‍ ഹമദ് അന്താരാഷ്ട്ര വിമാനത്താവളത്തിന് രണ്ടാം സ്ഥാനം.
ലോകമെമ്പാടുമുള്ള യാത്രക്കാര്‍ക്ക് അസാധാരണമായ കണക്റ്റിവിറ്റി നല്‍കാനുള്ള ഹമദ് അന്താരാഷ്ട്ര വിമാനത്താവളത്തിന്റെ അചഞ്ചലമായ പ്രതിബദ്ധതയ്ക്ക് ഈ അസാധാരണ നേട്ടം അടിവരയിടുന്നു. ജനസംഖ്യയുമായി താരതമ്യപ്പെടുത്തുമ്പോള്‍ എയര്‍ കണക്റ്റിവിറ്റിയുമായി ബന്ധപ്പെട്ട് അതിവേഗം വളരുന്ന വ്യോമയാന വിപണികളില്‍ ഒന്നായതിനാല്‍, ആഗോള കണക്ഷനുകള്‍ പരിപോഷിപ്പിക്കുന്നതില്‍ വിമാനത്താവളം ഒരു പ്രധാന പങ്ക് വഹിക്കുന്നു.
