ഖത്തര്‍ എയര്വേയ്സ് ഗ്രൂപ്പ് സി.ഇ.ഒ. അക്ബര്‍ അല്‍ ബാക്കറിന് ലൈഫ് ടൈം അച്ചീവ്മെന്റ് അവാര്‍ഡ്
അമാനുല്ല വടക്കാങ്ങര
ദോഹ. ഖത്തര്‍ എയര്വേയ്സ് ഗ്രൂപ്പ് സി.ഇ.ഒ. അക്ബര്‍ അല്‍ ബാക്കറിന് ലൈഫ് ടൈം അച്ചീവ്മെന്റ് അവാര്‍ഡ്. എയര്‍ലൈന്‍ പാസഞ്ചര്‍ എക്‌സ്പീരിയന്‍സ് അസോസിയേഷന്‍, ഇന്റര്‍നാഷണല്‍ ഫ്‌ലൈറ്റ് സര്‍വീസസ് അസോസിയേഷന്‍) എന്നിവ സംയുക്തമായാണ് വ്യോമയാന വ്യവസായത്തിന്റെ പ്രീമിയം ഇവന്റില്‍ അക്ബര്‍ അല്‍ ബാക്കറിനെ ആദരിച്ചത്.
അപെക്സ് സിഇഒ ഡോ ജോ ലീഡര്‍ അക്ബര്‍ അല്‍ ബാക്കറിന് ലൈഫ് ടൈം അച്ചീവ്മെന്റ് അവാര്‍ഡ് സമ്മാനിച്ചു. ഖത്തര്‍ എയര്വേയ്സ് യാത്രക്കാരുടെ അശ്രാന്ത പരിശ്രമത്തിനും, ഖത്തര്‍ എയര്വേയ്സ് യാത്രക്കാരുടെ അനുഭവം ഉയര്‍ത്തിയതിനും, എയര്‍ലൈന്‍ വ്യവസായത്തിലുടനീളം അലയടിക്കുന്ന സുവര്‍ണ്ണ നിലവാരം സ്ഥാപിച്ചതിനുമാണ് പുരസ്‌കാരം.
