ഖത്തര് ബജറ്റില് 30 ശതമാനം കുറവ്: ജീവനക്കാരുടെ ശമ്പളത്തേയും മറ്റാനുകൂല്യങ്ങളെയും ബാധിക്കില്ല; ഖത്തര്
ഖത്തര് ബജറ്റ് 30 ശതമാനം വരെ കുറയ്ക്കുന്നതിനെക്കുറിച്ചുള്ള ചര്ച്ചകള് മുന്കരുതല് നടപടികളുമായി ബന്ധപ്പെട്ടതാണെന്നും ജീവനക്കാരുടെ ശമ്പളമോ വികസന പദ്ധതികളോ അതില് ഉള്പ്പെട്ടിട്ടില്ലെന്നും പ്രധാനമന്ത്രിയുടെ ഉപദേഷ്ടാവും വിദേശകാര്യ മന്ത്രാലയത്തിന്റെ ഔദ്യോഗിക വക്താവുമായ ഡോ. മജീദ് ബിന് മുഹമ്മദ് അല് അന്സാരി പറഞ്ഞു.
ഖത്തര് സര്ക്കാര് ഏജന്സികളുടെ ബജറ്റ് കുറയ്ക്കുന്നതിനെക്കുറിച്ചും ഖത്തര് വിദേശ സഹായത്തിനുള്ള ധനസഹായം കുറയ്ക്കുന്നതിനെക്കുറിച്ചും ഫിനാന്ഷ്യല് ടൈംസ് റിപ്പോര്ട്ടിനെക്കുറിച്ചുള്ള ചോദ്യത്തിന് മറുപടിയായാണ് അദ്ദേഹം ഇങ്ങനെ പ്രതികരിച്ചത്. ഫിനാന്ഷ്യല് ടൈംസ് റിപ്പോര്ട്ടില് പരാമര്ശിച്ചിരിക്കുന്ന കണക്കുകള് കൃത്യമല്ല’ എന്ന് അല് അന്സാരി പറഞ്ഞു, അതില് ഭൂരിഭാഗവും സന്ദര്ഭത്തില് നിന്ന് അടര്ത്തിമാറ്റിയതാണെന്ന് അദ്ദേഹം ഊന്നിപ്പറഞ്ഞു.