Breaking News
ഡ്രൈവ് ത്രൂ കോവിഡ് പരിശോധന വൈകുന്നേരം 4 മണി മുതല്‍ രാത്രി 11 മണി വരെ
ഡോ. അമാനുല്ല വടക്കാങ്ങര
ദോഹ : ഖത്തറില്‍ അനുദിനം ചൂട് കൂടുന്ന സാഹചര്യത്തില്‍ ഡ്രൈവ് ത്രൂ കോവിഡ് പരിശോധന വൈകുന്നേരം 4 മണി മുതല്‍ രാത്രി 11 മണി വരെ മാത്രമായിരിക്കുമെന്ന് പ്രൈമറി ഹെല്‍ത്ത് കെയര്‍ കോര്‍പറേഷന്‍ അറിയിച്ചു. അവസാനത്തെ എന്‍ട്രി രാത്രി 10 മണിക്കായിരിക്കും.
ജൂണ്‍ 18 വെളളിയാഴ്്ച മുതല്‍ ഈ സമയക്രമം നിലവില്‍ വന്നതായി പ്രൈമറി ഹെല്‍ത്ത് കെയര്‍ കോര്‍പറേഷന്‍ ട്വീറ്റ് ചെയ്തു. വൈകുന്നേര സമയത്ത് പ്രവര്‍ത്തനം ക്രമീകരിക്കുന്നത് ജീവനക്കാരുടേയും പൊതുജനങ്ങളുടേയും സുരക്ഷ കണക്കിലെടുത്താണെന്ന് അധികൃതര്‍ വ്യക്തമാക്കി
239765 പേര്‍ ഡ്രൈവ് ത്രൂ കോവിഡ് പരിശോധന സൗകര്യം പ്രയോജനപ്പെടുത്തിയതായും അധികൃതര്‍ പറഞ്ഞു.
