ഖത്തറില്‍ പ്രതിദിന കോവിഡ് കേസുകള്‍ മൂവായിരത്തില്‍ താഴെയെത്തി, ഇന്നും രോഗികളേക്കാള്‍ കൂടുതല്‍ രോഗമുക്തി
അമാനുല്ല വടക്കാങ്ങര
ദോഹ : ഖത്തറില്‍ പ്രതിദിന കോവിഡ് കേസുകള്‍ മൂവായിരത്തില്‍ താഴെയെത്തി, ഇന്നും രോഗികളേക്കാള്‍ കൂടുതല്‍ രോഗമുക്തി . കഴിഞ്ഞ 24 മണിക്കൂറിനുള്ളില്‍ നടന്ന 29657 പരിശോധനകളില്‍ 474 യാത്രക്കര്‍ക്കടക്കം 2981 പേര്‍ക്കാണ് കോവിഡ് സ്ഥിരീകരിച്ചത്. ഇതില്‍ 2507 പേര്‍ക്ക് സാമൂഹ്യ വ്യാപനത്തിലൂടെയാണ് രോഗം ബാധിച്ചത്.
4281 പേര്‍ക്ക് ഇന്ന് രോഗമുക്തി റിപ്പോര്‍ട്ട് ചെയ്തൂവെന്നത് ആശ്വാസകരമാണ്. ഇതോടെ രാജ്യത്ത് ചികില്‍സയിലുള്ള മൊത്തം രോഗികള്‍ 37630 ആയി കുറഞ്ഞു.
ചികില്‍സയിലായിരുന്ന 86 കാരന്‍ മരിച്ചതോടെ രാജ്യത്തെ മൊത്തം കോവിഡ് മരണം 634 ആയി.
കഴിഞ്ഞ 24 മണിക്കൂറിനുള്ളില്‍ പുതുതായി 61 പേരെയാണ് ആശുപത്രിയില്‍ പ്രവേശിപ്പിച്ചത്. ഇന്ന് 7 പേരെ തീവ്രപരിചരണ വിഭാഗത്തിലും പ്രവേശിപ്പിച്ചു. നിലവില്‍ മൊത്തം 456 പേര്‍ ആശുപത്രിയിലും 97 പേര്‍ തീവ്ര പരിചരണ വിഭാഗത്തിലും ചികില്‍സയിലുണ്ട്
