ഗ്ലോബല് ലൈഫ്സ്റ്റൈല് ബ്രാന്ഡ് ടോറസിന്റെ ഖത്തറിലെ ഏകവിതരണ പങ്കാളിയായി ജംബോ ഇലക്ട്രോണിക്സ്
ദോഹ. ഖത്തറിലെ പ്രമുഖ ഉപഭോക്തൃ ഇലക്ട്രോണിക്സ്, സ്മാര്ട്ട് ലൈഫ്സ്റ്റൈല് പരിഹാരങ്ങളിലെ വിശ്വസ്തമായ പേരായ ജംബോ ഇലക്ട്രോണിക്സ്, ലോകപ്രശസ്തമായ മൊബൈല് ആക്സസറീസ്, നവീന ലൈഫ്സ്റ്റൈല് ടെക്നോളജികള് എന്നിവയിലൂടെ പേരുകേട്ട ടോറസ് എന്ന ആഗോള ബ്രാന്ഡുമായുള്ള അവരുടെ ഏകപാര്ട്ട്ണര്ഷിപ്പ് പ്രഖ്യാപിച്ചു.
ഈ സഹകരണത്തോടെ, ജംബോ ഇലക്ട്രോണിക്സ് ഖത്തറിലെ ടോറസ് ഉല്പ്പന്നങ്ങളുടെ ഏക വിതരണക്കാരായി മാറി. ലോകോത്തര ടെക്നോളജിയും ലൈഫ്സ്റ്റൈല് ബ്രാന്ഡുകളും ഖത്തര് വിപണിയിലേക്ക് കൊണ്ടുവരാനുള്ള കമ്പനിയുടെ തുടര്ച്ചയായ ദൗത്യത്തിലെ മറ്റൊരു നാഴികക്കല്ലാണിത്.