ഖത്തര് ട്രാവല് നയത്തില് മാറ്റം , പുതിയ മാറ്റം നാളെ വൈകുന്നേരം 7 മണി മുതല് പ്രാബല്യത്തില്
അമാനുല്ല വടക്കാങ്ങര
ദോഹ. ഖത്തര് പൊതുജനാരോഗ്യ മന്ത്രാലയം അതിന്റെ കോവിഡ് 19 ട്രാവല് ആന്ഡ് റിട്ടേണ് പോളിസിയില് പുതിയ അപ്ഡേറ്റുകള് പ്രഖ്യാപിച്ചു. അപ്ഡേറ്റുകള് 2022 മാര്ച്ച് 16 ബുധനാഴ്ച ഖത്തര് സമയം വൈകുന്നേരം 7 മണി മുതല് പ്രാബല്യത്തില് വരും.
പ്രധാന നയ അപ്ഡേറ്റുകള് താഴെ പറയുന്നവയാണ്
പ്രതിരോധ മാനദണ്ഡങ്ങള് പാലിക്കുന്ന ജി.സി.സി, യൂറോപ്യന് യൂണിയന് പൗരന്മാര്ക്കും താമസക്കാര്ക്കും അവരുടെ രാജ്യത്ത് നിന്നുള്ള കോവിഡ് 19നായി അംഗീകൃത ആരോഗ്യ വിവര ആപ്പ് ഉപയോഗിക്കാം. മാത്രമല്ല ഇഹ് തിറാസ് വെബ്സൈറ്റ് വഴി പ്രീ-ട്രാവല് രജിസ്ട്രേഷന് പൂര്ത്തിയാക്കേണ്ടതില്ല.
ജി.സി.സി, യൂറോപ്യന് യൂണിയന് പൗരന്മാര്ക്കും താമസക്കാര്ക്കും ഖത്തറിലേക്കുള്ള യാത്രക്ക് മുമ്പുള്ള പി.സി.ആര്. ടെസ്റ്റ് പുറപ്പെടുന്ന രാജ്യം റെഡ് ഹെല്ത്ത് മെഷറുകളില് ലിസ്റ്റ് ചെയ്തിട്ടില്ലെങ്കില് ഐച്ഛികമാണ്. ഇന്ത്യ, പാക്കിസ്ഥാന്, നേപ്പാള്, ശ്രീലങ്ക, ബംഗ്ളാദേശ്, ഈജിപ്ത്, ജോര്ദാന്, ജോര്ജിയ എന്നീ ഒമ്പത് രാജ്യങ്ങളാണ് റെഡ് ഹെല്ത്ത് മെഷേര്സില് ഉള്ളത്.
പ്രീ-ട്രാവല് പിസിആര് ടെസ്റ്റ് നടത്താത്ത യാത്രക്കാര് ഖത്തറില് എത്തി 24 മണിക്കൂറിനുള്ളില് ഒരു അംഗീകൃത മെഡിക്കല് സെന്ററില് നിന്നും റാപ്പിഡ് ആന്റിജന് റെസ്റ്റ് നടത്തണം. പ്രീ-ട്രാവല് പിസിആര് ടെസ്റ്റ് നടത്തിയവരെ യാത്രക്കാരെ ഖത്തറില് എത്തിയ ശേഷമുള്ള റാപ്പിഡ് ആന്റിജന് ടെസ്റ്റില് നിന്ന് ഒഴിവാക്കിയിട്ടുണ്ട്.
മന്ത്രാലയത്തിന്റെ സമീപകാല പ്രഖ്യാപനത്തിന് അനുസൃതമായി, കോവിഡ് 19 വാക്സിന് ബൂസ്റ്റര് ഡോസ് സ്വീകരിക്കുന്നതിനോ അണുബാധയില് നിന്ന് സുഖം പ്രാപിച്ചതിന് ശേഷമോ ഉള്ള കോവിഡ് പ്രതിരോധശേഷിയുടെ സാധുത 12 മാസമായി നീട്ടിയിട്ടുണ്ട്.
എല്ലാ യാത്രക്കാര്ക്കും ഖത്തറിലേക്കുള്ള സുഗമമായ പ്രവേശനം സുഗമമാക്കുന്നതിനൊപ്പം രാജ്യത്തേക്ക് പ്രവേശിക്കുന്ന യാത്രക്കാരില് ഉചിതമായ ആരോഗ്യ പരിശോധനകള് നടത്തുന്നതിലൂടെ ഖത്തറിലെ ജനസംഖ്യയെ കോവിഡ് 19 ല് നിന്ന് സംരക്ഷിക്കുന്നതിനാണ് മാറ്റങ്ങള് ലക്ഷ്യമിടുന്നത്. ഖത്തറിലെ പൊതുസ്ഥലങ്ങളില് പ്രവേശിക്കുന്നതിന് എല്ലാ യാത്രക്കാരും ഇഹ്തിറാസ് ആപ്പ് ഡൗണ്ലോഡ് ചെയ്ത് ആക്ടിവേറ്റ്് ചെയ്യണമെന്ന് മന്ത്രാലയം അറിയിച്ചു.
