ഫിഫ 2022 ലോകകപ്പ് ഖത്തര് വളണ്ടിയര് ഇന്റര്വ്യൂകള് ഈ മാസം 13 ന് അവസാനിക്കും
അമാനുല്ല വടക്കാങ്ങര
ദോഹ: കായിക ലോകം കാത്തിരിക്കുന്ന ഫിഫ 2022 ലോകകപ്പ് ഖത്തര് വളണ്ടിയര് ഇന്റര്വ്യൂകള് പുരോഗമിക്കുകയാണ് . അറബ് ലോകത്ത് ആദ്യമായി നടക്കുന്ന ഫിഫ ലോകകപ്പിന്റെ ഭാഗമാകാനുള്ള അഭിമുഖം ആഗസ്റ്റ് 13 ശനിയാഴ്ച അവസാനിക്കും. ഫുട്ബോളിലെ ഏറ്റവും വലിയ ടൂര്ണമെന്റ് ആരംഭിക്കുന്നതിന് 100 ദിവസങ്ങള് കൂടി അവശേഷിക്കുന്ന തീയതിയാണ് ആഗസ്റ്റ് 13.
ഇതിനകം തന്നെ നിരവധി പേര്ക്ക് റോള് ഓഫറുകള് ലഭിച്ചിട്ടുണ്ട്. വരും ആഴ്ചകളിലും അത് തുടരും. ദയവായി നിങ്ങളുടെ ആപ്ലിക്കേഷനെക്കുറിച്ചുള്ള അപ്ഡേറ്റുകള്ക്കായി നിങ്ങളുടെ ഇമെയിലും പോര്ട്ടലും പരിശോധിക്കുന്നത് തുടരുക എന്നാണ് സംഘാടകര് അറിയിച്ചു.
ഫിഫ 2022 കപ്പ് ഖത്തര് 2022 വളണ്ടിയര് പ്രോഗ്രാമിനായി അഞ്ച് ലക്ഷത്തിലധികം സൈന് അപ്പുകള് ലഭിച്ചു. നവംബറില് ഖത്തറില് നടക്കുന്ന ഫിഫ ലോകകപ്പ് ലോകമെമ്പാടുമുള്ള 20,000 സന്നദ്ധപ്രവര്ത്തകര് 30 ലധികം വ്യത്യസ്ത റോളുകളിലായി 45 പ്രവര്ത്തന മേഖലകളില് സേവനം ചെയ്യും .
