Breaking News
വനിതാ ദിനം സവിശേഷമാക്കി ഖത്തര് എയര്വേയ്സ്
അമാനുല്ല വടക്കാങ്ങര
ദോഹ. അന്താരാഷ്ട്ര വനിതാ ദിനം സവിശേഷമാക്കി ഖത്തര് എയര്വേയ്സ്. സ്ത്രീ ജീവനക്കാര് മാത്രമുള്ള ബോയിംഗ് 777 ചരക്ക് വിമാനം ദോഹയില് നിന്നും ഷാങ്ഹായിലേക്ക് പറത്തിയാണ് ഖത്തര് എയര്വേയ്സ് വനിതാശാക്തീകരണത്തിന്റെ പ്രായോഗിക മാതൃക കാണിച്ചത്.
ദോഹയില് നിന്ന് ഷാങ്ഹായിലേക്കുള്ള ഷെഡ്യൂള് ചെയ്ത വിമാനം പൂര്ണ്ണമായും സ്ത്രീകള് അടങ്ങുന്ന ഒരു ക്രൂ ആണ് പ്രവര്ത്തിപ്പിച്ചത്. ചരക്കുകളുടെ മേല്നോട്ടം വഹിക്കുന്നതും കൈകാര്യം ചെയ്യുന്നതുമായ ഗ്രൗണ്ട് സ്റ്റാഫ് മുതല് ഫ്ലൈറ്റ് പ്രവര്ത്തിപ്പിക്കുന്ന ഫ്ലൈറ്റ് ഡെക്ക് ക്രൂ വരെ വനിതകളായിരുന്നു.
ഇത് ആദ്യമായാണ് ഖത്തര് എയര്വേയ്സിന്റെ കാര്ഗോ ചരക്ക് വിമാനം മുഴുവന് സ്ത്രീ ജീവനക്കാര് പറത്തുന്നത്.
