കോട്ടയം കാഞ്ഞിരപ്പള്ളി സ്വദേശി ദോഹയില് നിര്യാതനായി
ദോഹ: കോട്ടയം കാഞ്ഞിരപ്പള്ളി സ്വദേശി മുഹമ്മദ് ഇസ്മായില് ( 82) ദോഹയില് നിര്യാതനായി. കാഞ്ഞിരപ്പള്ളി കല്ലുങ്കല്, വിഴിക്കത്തോട് (കല്ലറക്കാവ്) സ്വദേശിയാണ്. ദീര്ഘകാലം ഖത്തറിലെ സ്വകാര്യ സ്ഥാപനത്തില് ജോലി ചെയ്തിരുന്നു. ജോലിയില് നിന്നും വിരമിച്ച ശേഷം നാട്ടിലും ഖത്തറിലുമായി വിശ്രമ ജീവിതം നയിച്ചു വരികയായിരുന്നു. അസുഖത്തെ തുടര്ന്ന് കഴിഞ്ഞ കുറച്ചു ദിവസങ്ങളായി ഖത്തറിലെ ഹമദ് ആശുപത്രിയില് ചികിത്സയിലായിരുന്നു.
ഭാര്യ ഷൈല (എരുമേലി മാളികവീട്ടില് കുടുബംഗം). മക്കള് : നജീം (മിനിസ്ട്രി ഓഫ് മുനിസിപ്പാലിറ്റി), നിയാസ് (ബീമാ ഇന്ഷുറന്സ്), സജ്ന (ബാംഗ്ലൂര്). മരുമക്കള് സജ്ന ഹാരിസ്, ഷമീര് മുഹമ്മദ് , റോഷ്ന ഹാരിസ്. മൃതദേഹം കബറടക്കാനുള്ള നടപടിക്രമങ്ങള് പ്രവാസി വെല്ഫെയര് റിപ്രാടിയേഷന് ടീമിന്റെ നേതൃത്വത്തില് നടന്നുവരുന്നു.
നടപടിക്രമങ്ങള് പൂര്ത്തിയാക്കി മൃതദേഹം ഖത്തറില് മറവ് ചെയ്യുമെന്ന് ബന്ധുക്കള് അറിയിച്ചു.