സ്നേഹത്തിന്റെ നിറവില് വിശ്വാസികള്ക്ക് ഇഫ്താര് വിഭവങ്ങളൊരുക്കി ഓറിയന്റല് ബേക്കറി ആന്ഡ് റസ്റ്റോറന്റ്
അമാനുല്ല വടക്കാങ്ങര
ദോഹ. പുണ്യറമദാനിനെ അത്യാവേശത്തോടെ വിശ്വാസികള് വരവേറ്റു കഴിഞ്ഞു. വ്രത ശുദ്ധിയുടെ ദിനരാത്രങ്ങളില് അവര്ക്കൊപ്പം ചേരുകയാണ് ഓറിയന്റലും. വ്രതത്തിന്റെ ഒരു പകല് വിടവാങ്ങുമ്പോള്, അവര്ക്കായി വിശുദ്ധിയോടെ നോമ്പുതുറ വിഭവങ്ങളൊരുക്കുന്ന തിരക്കിലാണ് ഓറിയന്റല് റസ്റ്റോറന്റ് ബേക്കറി വിഭാഗങ്ങള്.
തനി നാടന് വിഭവങ്ങള് മുതല് 100 ലധികം ഇഫ്താര് വിഭവങ്ങളുണ്ടിവിടെ. നോമ്പുനോല്ക്കുന്നവരുടെ ആരോഗ്യമാണ് ഓരോ വിഭവങ്ങളും തയാറാക്കുമ്പോള് പരിഗണിക്കുന്ന ആദ്യ ഘടകം. ഓരോ വിഭവങ്ങള്ക്കുമുള്ള ചേരുവകളുടെ ക്വാളിറ്റി നിര്ബന്ധമായും പരിശോധിച്ച് ഉറപ്പുവരുത്തിയാണ് കലവറയിലെക്ക് എത്തിക്കുന്നത്. പുണ്യ റമദാനില് നോമ്പെടുക്കുന്നതുപോലെ തന്നെ പ്രധാനമാണ് നോമ്പുതുറക്കലും, ഇഫ്താര് വിരുന്നുമെല്ലാം.
ശരീരത്തെയും മനസ്സിനെയും നിര്മലമാക്കുന്ന ഈ നോമ്പുതുറ ചടങ്ങിനെ അത്രമേല് പരിശുദ്ധമാക്കാനുള്ള വിഭവങ്ങളൊരുക്കുകയാണ് ഓറിയന്റല് ബേക്കറി. ഓരോ വിഭവങ്ങളിലും വ്രതമെടുക്കുന്ന വിശ്വാസിക്കുവേണ്ടിയുള്ള കരുതലും, പ്രാര്ത്ഥനയുമുണ്ട്. വ്രതാനുഷ്ഠാനങ്ങളുടെ പകലവസാനിച്ച്, ആശ്വാസത്തിന്റെ നോമ്പുതുറസമയത്ത് കഴിക്കുന്ന വിഭവങ്ങള്ക്ക് മനസ്സ് നിറക്കാനാകണമെന്നതാണ് ഓറിയന്റലിന്റെ മുഖ്യ ദര്ശനം.
മലയാളിക്ക് പ്രിയങ്കരമായ മലബാര് നോമ്പുതുറ വിഭവം തൊട്ട് രുചി വൈവിധ്യങ്ങളുടെ നീണ്ട പട്ടിക തന്നെ ഇവിടെയുണ്ട്.
ഇഫ്താര് ബഡ്ജറ്റ് കോംമ്പോ ബോക്സ്, നോമ്പുതുറക്കായി സജ്ജമാക്കിയിട്ടുള്ള നോമ്പുതുറ റമദാന് കോംമ്പോ ബോക്സ് എന്നിവയാണ് ഇത്തവണത്തെ റമദാന് സ്പെഷ്യല്സ്.
ഓറിയന്റല് സ്പെഷ്യല് തരി കഞ്ഞി, സ്പെഷ്യല് ബിരിയാണി, തറവാടി ചിക്കല് കറി, എരിപൊരി ചിക്കന്, ലാഹോറി ചിക്കന്, അഫ്ഗാനി ചിക്കന്, കുംമ്പംകൂട്ടുലര്ത്ത് ബീഫ്, നീല്ഗിരി മട്ടന്, മട്ടന് സാഗ് വാല, പാല് കിഴി പറാത്ത, കോഴി നിറച്ചത്, കിണ്ണത്തപ്പം, ഞണ്ടുമല്ലി പെരളന് തുടങ്ങിയവയും നിരവധി വെജ് വിഭവങ്ങളും ഇഫ്താര് ഡിന്നര് സ്പെഷ്യല് മെനുവിലുണ്ട്.
ഓറിയന്റല് സ്പെഷ്യല് ഇറച്ചി പത്തിരി, ഇലാഞ്ചി, കായപ്പോള, പഴം നിറച്ചത്, തുടങ്ങിയ നാടന് മലബാര് വിഭവങ്ങള്. കൂടാതെ വിവിധ വെറൈറ്റികളിലുള്ള സമോസകളും കട്ട്ലറ്റുകളും.
പക്കാവടകളില് വൈവിധ്യവുമായി ചിക്കന് പക്കാവട,ബ്രഡ് പക്കാവട, ഒണിയന് പക്കാവട, ഉള്ളിവട തുടങ്ങിയവ.
ബജി വിഭവങ്ങളില് ചില്ലി ബജി, ഒണിയന് ബജി, പൊട്ടറ്റോ ബജി, മുട്ട ബജി.
മലയാളിക്ക് പ്രിയമേറിയ, കൊഴുക്കട്ട, ഇലയട, വട്ടയപ്പം, പഴംപൊരി, പരിപ്പുവട, ഉഴുന്നുവട.
ഖത്തറില് പ്രസിദ്ധമായ ഓറിയന്റലിന്റെ പഫ്സ് വിഭവങ്ങള്. മിനി പിസ, സ്പ്രിങ്ങ് റോള്, സമോസ വിഭവങ്ങളും തയാറാണ്.
മധുരം നിറക്കാന് നൂറിലേറെ ഇന്ത്യന് സ്വീറ്റ്സുകള്
ഇഫ്താറിന്റെ രാവുകളില് മനസ്സ് നിറക്കാനിങ്ങനെ രുചി വൈവിധ്യങ്ങളുടെ അവസാനിക്കാത്ത വിഭവങ്ങളുണ്ട് ഓറിയന്റല് ബേക്കറിയില് ഒരുക്കിയിരിക്കുന്നത്.
ഇഫ്താര് വിരുന്നൊരുക്കാനും ഓറിയന്റല് റെസ്റ്റോറന്റില് സൗകര്യമുണ്ട്.
റമദാനിലെ ഓരോ രാവുകളിലും വയറും, മനസ്സും നിറക്കാന് ഒത്തിരി വിഭവങ്ങളൊരുക്കുന്നുണ്ടിവിടെ.
ലെമണ്ജ്യൂസ്, ഡേറ്റ്സ്, ഫ്രൂട്ട്സ്കട്ട്, സ്നാക്ക്സ്, നെയ്ച്ചോര്, ബീഫ് കറി, പത്തിരി, ചിക്കന് സ്പെഷ്യല് എന്നിവയുടെ സ്പെഷ്യല് ഇഫ്താര് കോംബോ പാക്ക്.
തലപ്പാക്കാട്ടി ചിക്കന് ബിരിയാണി, തലശേരി ബിരിയാണി, ആമ്പൂര് ബിരിയാണി തുടങ്ങി നിരവധി ബിരിയാണി വെറൈറ്റികള്. സ്വാദൂറും മലബാര് വിഭവങ്ങള് നിരവധിയുണ്ട് . അങ്ങിനെ ഈ റമദാന് കാലത്ത് അത്രമേല് സംശുദ്ധിയോടെ പ്രര്ത്ഥനാ നിരതമായി വിശ്വാസികള്ക്കായി വിഭവങ്ങളൊരുക്കുന്ന തിരക്കിലാണ് ഓറിയന്റല് ബേക്കറി ആന്ഡ് റെസ്റ്റോറന്റ് .
