ഖത്തര് യൂണിവേര്സിറ്റിയില് സ്മാര്ട് ക്ളാസ് റൂം സംവിധാനം
ദോഹ. ഡിജിറ്റല് പരിവര്ത്തനവും അക്കാദമിക് മികവും മുന്നോട്ട് കൊണ്ടുപോകുന്നതിനുള്ള ശ്രമങ്ങളുടെ ഭാഗമായി, ഖത്തര് യൂണിവേര്സിറ്റിയില് സ്മാര്ട് ക്ളാസ് റൂം സംവിധാനം ആരംഭിച്ചു. ഹുവായ് എംഇ എന്ന സാങ്കേതിക പങ്കാളിയുമായി സഹകരിച്ചാണഅ ‘സ്മാര്ട്ട് ക്ലാസ്റൂം’ സംവിധാനം ആരംഭിച്ചത്. ആര്ട്ടിഫിഷ്യല് ഇന്റലിജന്സ്, ക്ലൗഡ് കമ്പ്യൂട്ടിംഗ് സാങ്കേതികവിദ്യകള് എന്നിവയുടെ പിന്തുണയോടെ, കൂടുതല് സംവേദനാത്മകവും വഴക്കമുള്ളതുമായ പഠനാനുഭവം വികസിപ്പിക്കുന്നതിനും, ഹൈബ്രിഡ് പഠന മാതൃകകളെ പിന്തുണയ്ക്കുന്നതിനും, സ്മാര്ട്ടും സുസ്ഥിരവുമായ വിദ്യാഭ്യാസ അന്തരീക്ഷം കെട്ടിപ്പടുക്കുന്നതിനും ഈ സംവിധാനം സഹായിക്കുന്നു.