പുഞ്ചിരിയോടെ ജോലി ചെയ്യാനായാല് തൊഴിലിടങ്ങളെ ആനന്ദകരമാക്കാം- പി.എന് ബാബുരാജന്
ദോഹ. ജീവിതത്തില് സന്തോഷമാണ് എല്ലാവരും ആഗ്രഹിക്കുന്നതെന്നും സന്തോഷം യാഥാര്ഥ്യമാക്കുവാന് സോദ്ദേശ്യപരമായ ശ്രമങ്ങളുണ്ടാകണമെന്നും ഖത്തറിലെ മുതിര്ന്ന സാമൂഹ്യ പ്രവര്ത്തകനും ഇന്ത്യന് കള്ച്ചറല് സെന്റര് അഡൈ്വസറി ബോര്ഡ് ചെയര്മാനുമായ പി.എന്. ബാബുരാജന് അഭിപ്രായപ്പെട്ടു. നമ്മുടെ സന്തോഷം മിക്കവാറും നമ്മുടെ തീരുമാനമാണ് . പോസിറ്റീവായിരിക്കുകയും പുഞ്ചിരിയോടെ ജോലി ചെയ്യാനാവുകയും ചെയ്താല് തൊഴിലിടങ്ങളെ ആനന്ദകരമാക്കാനാകുമെന്ന് അദ്ദേഹം പറഞ്ഞു.
അന്താരാഷ്ട്ര തൊഴിലാളി ദിനത്തോടനുബന്ധിച്ച് മീഡിയാപ്ലസ് സംഘടിപ്പിച്ച പ്രത്യേക പരിപാടി ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. തൊഴിലിടങ്ങളില് സന്തോഷവും മാനസിക സൗഹൃദവും വളര്ത്തേണ്ടത് വളരെ പ്രധാനമാണെന്ന് അദ്ദേഹം പറഞ്ഞു. ഇന്നത്തെ അതിവേഗ ജീവിതശൈലിയില് പലരും ജോലി വെറും ഉപജീവന മാര്ഗമായി മാത്രം കാണുന്നുവെങ്കിലും, സന്തോഷത്തോടെയും ആത്മാര്ഥതയോടെയും ജോലി ചെയ്യുമ്പോഴാണ് ജീവിതത്തിന് യഥാര്ത്ഥ അര്ത്ഥം ലഭിക്കുന്നതെന്ന് അദ്ദേഹം പറഞ്ഞു.
മീഡിയാപ്ലസ് സംഘടിപ്പിച്ച ചടങ്ങ് തൊഴിലാളി ദിനത്തിന്റെ യഥാര്ത്ഥ സന്ദേശം സമൂഹത്തിലേക്ക് എത്തിക്കുന്ന മികച്ച ശ്രമമാണെന്ന് അദ്ദേഹം പ്രശംസിച്ചു. തൊഴിലിടങ്ങളില് ആരോഗ്യകരമായ ബന്ധങ്ങളും പരസ്പര ബഹുമാനവും മാനസിക സംതൃപ്തിയും വളര്ത്തേണ്ടത് കാലത്തിന്റെ ആവശ്യകതയാണെന്നും അദ്ദേഹം ചൂണ്ടിക്കാട്ടി.
”ശമ്പളവും ആനുകൂല്യങ്ങളും മാത്രമല്ല ജീവിത വിജയത്തിന്റെ മാനദണ്ഡം. സന്തോഷത്തോടെയും സമാധാനത്തോടെയും ജോലി ചെയ്യാന് കഴിയുന്ന അന്തരീക്ഷമാണ് യഥാര്ത്ഥ സമ്പത്ത്. ജോലി സ്ഥലങ്ങള് സന്തോഷകരമാകുമ്പോള് കുടുംബജീവിതവും സാമൂഹിക ജീവിതവും കൂടുതല് മനോഹരമാകും,” അദ്ദേഹം പറഞ്ഞു.
മനുഷ്യന്റെ വ്യക്തിത്വ വികസനത്തിലും സമൂഹത്തിന്റെ പുരോഗതിയിലും തൊഴിലാളികളുടെ പങ്ക് അതുല്യമാണെന്നും, എല്ലാ മേഖലകളിലുമുള്ള തൊഴിലാളികളെ ആദരിക്കുകയും പ്രോത്സാഹിപ്പിക്കുകയും ചെയ്യേണ്ടത് സമൂഹത്തിന്റെ കടമയാണെന്നും അദ്ദേഹം കൂട്ടിച്ചേര്ത്തു.
ഫ്രണ്ട്സ് കള്ചറല് സെന്റര് എക്സിക്യൂട്ടീവ് ഡയറക്ടര് ഹബീബുറഹ്മാന് കിഴിശ്ശേരി, സൈക്കോളജിസ്റ്റ് ആയിഷ സൈബൂല് എന്നിവര് വിഷയമവതരിപ്പിച്ച് സംസാരിച്ചു
ലോക കേരള സഭ അംഗം അബ്ദുല് റഊഫ് കൊണ്ടോട്ടി, പി.കെ.സ്റ്റാര് ഗ്രൂപ്പ് മാനേജിംഗ് ഡയറക്ടര് ഡോ.പി.കെ.മുസ്തഫ, ന്യൂ ഗുഡ് വില് കാര്ഗോ മാനേജിംഗ് ഡയറക്ടര് മുഹമ്മദ് നൗഷാദ് അബു, സെപ്രോടെക് സിഇഒ ജോസ്ഫിലിപ്പ്, ഖത്തര് ടെക് മാനേജിംഗ് ഡയറക്ടര് ജെബി കെ ജോണ്, ദോഹ ബ്യൂട്ടി സെന്റര് മാനേജിംഗ് ഡയറക്ടര് ഡോ. ഷീല ഫിലിപ്പ്,
ഡോം ഖത്തര് മുഖ്യ ഉപദേഷ്ടാവ് മശ്ഹൂദ് തിരുത്തിയാട്, കെ.ബി.എഫ് ജനറല് സെക്രട്ടറി അബ്ദുല് ഗഫൂര് പുതുക്കുടി, ദ വേ കോര്പറേറ്റ് സര്വീസസ് സിഇഒ ഉവൈസ് ഉസ്മാന്, സോഷ്യല് മീഡിയ ഇന്ഫ്ളുവന്സര് സനിത സന്തോഷ് എന്നിവര് സംസാരിച്ചു.
മീഡിയാപ്ലസ് സി.ഇ.ഒ ഡോ. അമാനുല്ല വടക്കാങ്ങര അധ്യക്ഷത വഹിച്ചു. തൊഴിലാളി ദിനം സമൂഹനിര്മാണത്തില് അധ്വാനത്തിന്റെ മഹത്വം ഓര്മ്മപ്പെടുത്തുന്ന ദിനമാണെന്ന് അദ്ദേഹം പറഞ്ഞു. സമൂഹത്തിന് പോസിറ്റീവ് സന്ദേശങ്ങള് നല്കുന്ന പരിപാടികള് തുടര്ന്നും സംഘടിപ്പിക്കുമെന്ന് അദ്ദേഹം അറിയിച്ചു
അന്താരാഷ്ട്ര തൊഴിലാളി ദിനത്തിന്റെ ആത്മാവിനെ പ്രതിഫലിപ്പിച്ച ചടങ്ങ്, സന്തോഷപൂര്ണമായ തൊഴിലിടങ്ങളും മാനുഷിക മൂല്യങ്ങളും സമൂഹത്തില് കൂടുതല് ശക്തിപ്പെടുത്തേണ്ടതിന്റെ ആവശ്യകത ഓര്മ്മപ്പെടുത്തി.
ഗായകനും സംഘാടകനുമായ റഊഫ് മലയിലിന്റെ നേതൃത്വത്തില് ഖ്യൂ മെലോഡിയ ടീമിന്റെ സംഗീത വിരുന്ന് പരിപാടി അവിസ്മരണീയമാക്കി.
