ഡോ. അമാനുല്ല വടക്കാങ്ങര

ദോഹ. മൂന്നര വര്‍ഷത്തെ ഇടവേളക്ക് ശേഷം ഷാര്‍ജയില്‍ നിന്നും ദോഹയിലേക്കുള്ള എയര്‍ അറേബ്യ പ്രതിദിന സര്‍വീസ് ജനുവരി 18 ന് തിങ്കളാഴ്ച ആരംഭിക്കുമെന്ന് കമ്പനി ട്വിറ്ററില്‍ അറിയിച്ചു.
g 9134 നമ്പര്‍ വിമാനം യു. എ. ഇ . സമയം 4.10 ന് പുറപ്പെട്ട് ഖത്തര്‍ സമയം 4.10 ന് ദോഹയിലെത്തും.

തിരിച്ച് ദോഹയില്‍ നിന്നും 5.10 ന് പുറപ്പെട്ട് യു. എ. ഇ. സമയം 7.10 ന് ഷാര്‍ജയിലെത്തും.

ജനുവരി 9 നാണ് യു. എ. ഇ ഖത്തറുമായുള്ള വ്യോമപാത തുറക്കുന്നതായി പ്രഖ്യാപിച്ചത്. ഇതിന് ശേഷം ദോഹയിലേക്ക് ആദ്യം സര്‍വീസ് തുടങ്ങുന്ന കമ്പനിയാണ് എയര്‍ അറേബ്യ.