ഖത്തറില് ഇന്ന് 225 പേര്ക്ക് കോവിഡ്
ഡോ. അമാനുല്ല വടക്കാങ്ങര
ദോഹ. ഖത്തറില് ഇന്ന് 225 പേര്ക്ക് കോവിഡ് . കഴിഞ്ഞ 24 മണിക്കൂറില് നടത്തിയ 9490 പരിശോധനയിലാണ് 225 പേര്ക്ക് കോവിഡ് സ്ഥിരീകരിച്ചത്. ഇതില് 199 പേര്ക്ക് സാമൂഹ്യ വ്യാപനത്തിലൂടെയുള്ള താണ്. 26 പേര് യാത്രക്കാരാണ്. 203 പേര്ക്ക് മാത്രമാണ് രോഗമുക്തി റിപ്പോര്ട്ട് ചെയ്തത്. ഇതോടെ ചികില്സയിലുള്ള മൊത്തം രോഗികളുടെ എണ്ണം 3263 ആയി
ആശുപത്രിയില് ചികില്സയിലുള്ളത് 328 പേരാണ്. ഇതില് 31 പേര് തീവ്ര പരിചരണ വിഭാഗത്തിലാണ് .
കോവിഡിന്റെ തീവ്രതയെ രാജ്യം അതിജീവിച്ചെങ്കിലും കോവിഡ് പൂര്ണമായും നീങ്ങുന്നതുവരെ ജാഗ്രത തുടരണമെന്ന് അധികൃതര് ആവശ്യപ്പെടുന്നു.
സാമൂഹിക അകലം പാലിക്കുക, മാസ്ക് ധരിക്കുക, ഇടക്കിടക്ക് കൈ കഴുകുക എന്നീ വിഷയങ്ങളില് വീഴ്ചവരുത്തരുത്. ജാഗ്രതയോടെ നീങ്ങിയാല് സ്ഥിതിഗതികള് എത്രയും വേഗം സാധാരണനിലയിലെത്തുമെന്നാണ് പ്രതീക്ഷിക്കുന്നത്.
Comments are closed.