കോവിഡ് പ്രോട്ടോക്കോള് ലംഘനം ഇന്ന് 642 പേര് പിടിയില്
ഡോ. അമാനുല്ല വടക്കാങ്ങര : –
ദോഹ. ഖത്തറില് കോവിഡ് പ്രോട്ടോക്കോള് ലംഘനം ഇന്ന് 642 പേര് പോലീസ് പിടിയിലായി. ഇതാദ്യമായാണ് ഒരൊറ്റ ദിവസം ഇത്രയും നിയമലംഘനങ്ങള് പിടികൂടുന്നത്. പോലീസ് പട്രോളിംഗ് ശക്തമാക്കിയിരിക്കുന്നു. പൊതുജനം ജാഗ്രത പാലിക്കണം.
ഫേസ് മാസ്ക് ധരിക്കാത്തതിന് ഇന്ന് 621 പേരെയാണ് ഇന്ന് പിടികൂടിയത്. ഇതോടെ മൊത്തം പിടികൂടിയവരുടെ എണ്ണം 9914 ആയി. കോവിഡ് പ്രോട്ടോക്കോളിന്റെ ഭാഗമായി പുറത്തിറങ്ങുമ്പോള് ഫേസ് മാസ്ക് ധരിക്കല് നിര്ബന്ധമാണ്. വീഴ്ച വരുത്തുന്നവര്ക്ക് രണ്ട് ലക്ഷം റിയാല് വരെ പിഴ ലഭിക്കാം.
കാറിലെ പരമാവധി എണ്ണം പാലിക്കാത്തതിന് ഇന്ന് 21 പേരെയാണ് പിടികൂടിയത്. ഇതുവരെ മൊത്തം 353 പേരെയാണ് ഇവ്വിഷയകമായി പിടികൂടിയത്.
പിടികൂടിയവരെയോല്ലാം പബ്ളിക് പ്രോസിക്യൂഷന് കൈമാറും. കോവിഡ് പ്രതിരോധത്തിന്റെ ഏറ്റവും പ്രധാന മാര്ഗമായ ഫേസ് മാസ്ക് ധരിക്കുവാന് എല്ലാവരും ശ്രദ്ധിക്കണമെന്ന് ആഭ്യന്തര മന്ത്രാലയം മുന്നറിയിപ്പ് നല്കി. സ്വന്തം സുരക്ഷക്കും മറ്റുള്ളവരുടെ സുരക്ഷക്കും ഇത് വളരെ അത്യാവശ്യമാണ് .ഷോപ്പിംഗ് മാളുകളിലും ജനങ്ങള് ഒരുമിച്ചുകൂടുന്ന പൊതുസ്ഥലങ്ങളിലും മാസ്ക് ധരിക്കുന്നതില് ജനങ്ങള് ജാഗ്രത പാലിക്കണം.
Comments are closed.