ഡോ. അമാനുല്ല വടക്കാങ്ങര

ദോഹ : ഖത്തറില്‍ ഇന്ന് 690 പേര്‍ക്ക് കോവിഡ്, 2 മരണവും കഴിഞ്ഞ 24 മണിക്കൂറിനുള്ളില്‍ നടന്ന 12703 പരിശോധനകളില്‍ 109 യാത്രക്കാര്‍ക്കടക്കം 690 പേര്‍ക്ക് കോവിഡ് സ്ഥിരീകരിച്ചപ്പോള്‍ 362 പേര്‍ക്ക് മാത്രമാണ് രോഗ മുക്തി റിപ്പോര്‍ട്ട് ചെയ്തത്. ഇതോടെ ചികില്‍സയിലുള്ള മൊത്തം രോഗികള്‍ 14906 ആയി. ചികിത്സയിലായിരുന്ന 35, 59 പ്രായമുളള രണ്ട് പേര്‍ മരണപ്പെട്ടതോടെ മൊത്തം മരണസംഖ്യ 286 ആയി.

കഴിഞ്ഞ 24 മണിക്കൂറിനുള്ളില്‍ 238 പേര്‍ ആശുപത്രിയില്‍ പ്രവേശിപ്പിക്കപ്പെട്ടതോടെ ആശുപത്രികളില്‍ ചികില്‍സയിലുള്ളവരുടെ എണ്ണം 1558 ആയി. 28 പേരാണ് കഴിഞ്ഞ 24 മണിക്കൂറിനുള്ളില്‍ അത്യാഹിത വിഭാഗത്തില്‍ പ്രവേശിപ്പിക്കപ്പെട്ടത്. മൊത്തം 302 പേരാണ് ഇപ്പോള്‍ തീവ്ര പരിചരണ വിഭാഗത്തിലുള്ളത്.