കോവിഡ് പ്രോട്ടോക്കോള്‍ ലംഘനം 475 പേര്‍ പിടിയില്‍

ഡോ. അമാനുല്ല വടക്കാങ്ങര : –

ദോഹ : ഖത്തറില്‍ കോവിഡ് പ്രോട്ടോക്കോള്‍ ലംഘനം നടത്തിയ 475 പേരെ ആഭ്യന്തര മന്ത്രാലയം പിടികൂടി. 357 പേര്‍ ഫെയ്സ്മാസ്‌ക് ധരിക്കാത്തതിനും 111 പേര്‍ സുരക്ഷിതമായ സാമൂഹിക അകലം പാലിക്കാത്തതിനും 7 പേരെ മൊബൈല്‍ ഫോണില്‍ ഇഹ്തിറാസ് അപ്ലിക്കേഷന്‍ ഡൗണ്‍ലോഡ് ചെയ്യാത്തതിനുമാണ് പിടിയിലായത്. പിടികൂടിയവരെയെല്ലാം തുടര്‍ നടപടികള്‍ക്കായി പബ്ലിക് പ്രോസിക്യൂഷന് കൈമാറിയിരിക്കുകയാണ്.