ഖത്തറില് ഇന്ന് രോഗികളും രോഗമുക്തരും സമാസമം
ഡോ.അമാനുല്ല വടക്കാങ്ങര
ദോഹ : ഖത്തറില് ഇന്ന് രോഗികളും രോഗമുക്തരും സമാസമം . കഴിഞ്ഞ 24 മണിക്കൂറിനുള്ളില് നടന്ന 21604 പരിശോധനകളില് 36 യാത്രക്കാര്ക്കടക്കം 83 പേര്ക്കാണ് ഇന്ന് കോവിഡ് റിപ്പോര്ട്ട് ചെയ്തത്. ഇതില് 47 പേര്ക്ക് സാമൂഹ്യ വ്യാപനത്തിലൂടെയാണ് കോവിഡ് സ്ഥിരീകരിച്ചത്.
83 പേര്ക്കാണ് ഇന്ന് രോഗമുക്തി റിപ്പോര്ട്ട് ചെയ്തത്. ഇതോടെ രാജ്യത്ത് ചികില്സയിലുള്ള മൊത്തം രോഗികള് 966 ആയി തുടരുന്നു.
കഴിഞ്ഞ 24 മണിക്കൂറിനുള്ളില് ഒരാളാണ് പുതുതായി ആശുപത്രിയില് പ്രവേശിപ്പിക്കപ്പെട്ടത്. രണ്ടുപേരെ പുതുതായി തീവ്ര പരിചരണ വിഭാഗത്തിലും പ്രവേശിപ്പിച്ചു. നിലവില് മൊത്തം 47 പേര് ആശുപത്രിയിലും 10 പേര് തീവ്ര പരിചരണ വിഭാഗത്തിലും ചികില്സയിലുണ്ട്