മെട്രോ ലിങ്ക് സേവനങ്ങള്ക്ക് സൗജന്യ ടിക്കറ്റുമായി മുവാസലാത്ത്
അമാനുല്ല വടക്കാങ്ങര
ദോഹ: മെട്രോ ലിങ്ക് സേവനങ്ങള്ക്ക് സൗജന്യ ടിക്കറ്റുമായി മുവാസലാത്ത്. ഏപ്രില് 11 മുതല് ദോഹ മെട്രോ യാത്രക്കാര്ക്ക് മെട്രോ ലിങ്ക് സേവനങ്ങള് ഉപയോഗിക്കുന്നതിന് സൗജന്യ ക്യുആര് ടിക്കറ്റ് ആവശ്യമാണ്.
കര്വ ബസ് ആപ്പില് നിന്ന് ഒരിക്കല് ഡൗണ്ലോഡ് ചെയ്താല് മെട്രോ ലിങ്ക് ക്യുആര് ടിക്കറ്റ് എല്ലാ യാത്രകള്ക്കും സാധുതയുള്ളതാണ്.
ക്യുആര് ടിക്കറ്റ് ലഭിക്കുന്നതിനുള്ള ഘട്ടങ്ങള് ലിസ്റ്റ് ചെയ്തുകൊണ്ട് മൊവാസലാത്ത് ട്വീറ്റ് ചെയ്തു:
1. കര്വ ബസ് ആപ്പ് ഇന്സ്റ്റാള് ചെയ്ത് സൈന് ഇന് ചെയ്യുക
2. ബസില് കയറുന്നതിന് മുമ്പ്, ‘ഒരു ഇ-ടിക്കറ്റ് ഡൗണ്ലോഡ് ചെയ്യുക’
3. ‘മെട്രോ ലിങ്ക് ക്യുആര് ടിക്കറ്റ്’ ക്ലിക്ക് ചെയ്യുക.
4. നിങ്ങളുടെ ടിക്കറ്റ് ഒരു ഗോള്ഡന് ക്യൂആര് കോഡായി സ്ക്രീനില് പ്രദര്ശിപ്പിക്കും.
5. നിങ്ങള് ബസില് പ്രവേശിക്കുമ്പോഴും പുറത്തുകടക്കുമ്പോഴും ബസ് റീഡറില് ടിക്കറ്റ് സ്കാന് ചെയ്യുക.
6. സൈ്വപ്പുചെയ്യാവുന്ന ഹോം സ്ക്രീനിലോ ആപ്പിന്റെ കാര്ഡ് മാനേജ്മെന്റ് വിഭാഗത്തിലോ നിങ്ങള്ക്ക് ക്യൂആര് കോഡ് ടിക്കറ്റ് ആക്സസ് ചെയ്യാം.