പ്രവാചക നിന്ദ: വിവേകത്തോടെ പ്രതികരിക്കണം
അമാനുല്ല വടക്കാങ്ങര
ദോഹ. പ്രവാചകനെ നിന്ദിക്കുവാനും അപകീര്‍ത്തിപ്പെടുത്താനുമുള്ള ശ്രമങ്ങള്‍ അപലനീയമാണെന്നും അവയോടുള്ള പ്രതികരണം തികഞ്ഞ വിവേകത്തോടെയാവണമെന്നും ഇന്നലെ വിവിഘ പള്ളികളില്‍ ഖുതുബ നിര്‍വഹിച്ച പണ്ഡിതന്മാര്‍ ഓര്‍മപ്പെടുത്തി.
പ്രവാചകന്റെ ജീവിതം ഒരു തുറന്ന പുസ്തകമാണെന്നും തുറന്ന മനസ്സോടെ അത് പഠിക്കുന്നവരൊക്കെ ആ ജീവിതവും സന്ദേശവും ആജരവോടെ ഉള്‍കൊള്ളുകയും ചെയ്യുമെന്നതാണ് ചരിത്രം. പ്രവാചകനെ നിന്ദിക്കുന്നതും അവഹേളിക്കുന്നതും അപക്വമതികളും ശരിയായ വിവരമില്ലാത്തവരുമാണ് . അവരുമായി വൈകാരിക പ്രതികരണങ്ങള്‍ക്ക് പകരം വൈചാരിക പ്രതികരണങ്ങളാണാവശ്യം. പരസ്പര ബഹുമാനവും സംവാദവുമാണ് സാംസ്‌കാരിക പ്രബുദ്ധതയുടെ അടയാളമെന്ന് ഖതീബുമാര്‍ ഉദ്‌ബോധിപ്പിച്ചു.
