കാല്‍പന്തുകളിയാരാധകര്‍ക്ക് വൈവിധ്യമാര്‍ന്ന ഫിഫ ലോകകപ്പ് ഖത്തര്‍ 2022 യാത്രാ പാക്കേജുകളുായി ഖത്തര്‍ എയര്‍വേസ്
അമാനുല്ല വടക്കാങ്ങര
ദോഹ: കായിക ലോകം കാത്തിരിക്കുന്ന കാല്‍പന്തുകളിയിലെ മാമാങ്കമായ ഫിഫ 2022 ന് ആതിഥ്യമരുളുന്നതിനുള്ള എല്ലാ തയ്യാറെടുപ്പുകളും പൂര്‍ത്തിയായ സാഹചര്യത്തില്‍ കാല്‍പന്തുകളിയാരാധകര്‍ക്ക് വൈവിധ്യമാര്‍ന്ന ഫിഫ ലോകകപ്പ് ഖത്തര്‍ 2022 യാത്രാ പാക്കേജുകളുായി ദേശീയ വിമാന കമ്പനിയും ഫിഫ 2022 ലോക കപ്പിന്റെ ഔദ്യോഗിക പങ്കാളിയുമായ ഖത്തര്‍ എയര്‍വേസ് രംഗത്ത്
മിഡില്‍ ഈസ്റ്റിലെ ആദ്യ ഫിഫ ലോകകപ്പില്‍ ആവേശഭരിതരായ ഫുട്‌ബോള്‍ ആരാധകര്‍ക്ക് അവരുടെ സീറ്റുകള്‍ ബുക്ക് ചെയ്യാനും അവരുടെ പ്രിയപ്പെട്ട ടീമിനെ പിന്തുടരാനും അനുവദിക്കുന്ന തരത്തില്‍ ടൂര്‍ണമെന്റിലുടനീളം മാച്ച് ടിക്കറ്റുകള്‍, ഫ്‌ളൈറ്റുകള്‍, താമസസൗകര്യങ്ങള്‍ എന്നിവയുള്‍കൊള്ളുന്ന പാക്കേജാണ് ഖത്തര്‍ എയര്വേയ്സ് നല്‍കുന്നത്.
qatarairways.com/FIFA2022 എന്ന സൈറ്റ് സന്ദര്‍ശിച്ച് കുറച്ച് ലളിതമായ ഘട്ടങ്ങളിലൂടെ, ആരാധകര്‍ക്ക് മാച്ച് ടിക്കറ്റുകള്‍, ഫ്‌ളൈറ്റുകള്‍, താമസസൗകര്യം എന്നിവ സ്വന്തമാക്കാം.
അവര്‍ ഇതുവരെ അംഗങ്ങളല്ലെങ്കില്‍, ആരാധകര്‍ക്ക് മുന്‍കൂട്ടി qatarairways.com/PrivilegeClub സന്ദര്‍ശിച്ച് അവര്‍ ഖത്തര്‍ എയര്വേയ്സ് പ്രിവിലേജ് ക്ലബ്ബില്‍ ചേരുന്നുവെന്ന് ഉറപ്പാക്കേണ്ടതുണ്ട്, അതിനുശേഷം അവര്‍ക്ക് ഫാന്‍ ട്രാവല്‍ പാക്കേജുകള്‍ പോര്‍ട്ടല്‍ ആക്സസ് ചെയ്യാനും അവരുടെ ഓപ്ഷനുകള്‍ തിരഞ്ഞെടുക്കാനും കഴിയും.
2022 ഫിഫ ലോകകപ്പ് ഖത്തറിന്റെ ഔദ്യോഗിക എയര്‍ലൈന്‍ ആയതില്‍ ഖത്തര്‍ എയര്വേയ്സ് അഭിമാനിക്കുന്നുവെന്നുമ ഫാന്‍ ട്രാവല്‍ പാക്കേജുകള്‍ യാത്രക്കാര്‍ക്ക് ശ്രദ്ധേയമായ ബക്കറ്റ്-ലിസ്റ്റ് യാത്രയും തടസ്സമില്ലാത്ത യാത്രാനുഭവവും ഉറപ്പ് നല്‍കുമെന്നും ഖത്തര്‍ എയര്വേയ്സ് ഗ്രൂപ്പ് ചീഫ് എക്സിക്യുട്ടീവ്, അക്ബര്‍ അല്‍ ബേക്കര്‍ പറഞ്ഞു.
അറേബ്യന്‍ സംസ്‌കാരത്തിന്റെ പ്രതീകങ്ങള്‍ വിളിച്ചോതുന്ന തരത്തില്‍ ലോകോത്തര നിലവാരമുള്ള എട്ട് സ്റ്റേഡിയങ്ങളിലായാണ് നവംബര്‍ 21 മുതല്‍ ഡിസംബര്‍ 18 വരെ ടൂര്‍ണമെന്റ് നടക്കുന്നത്.
