സബാഹ് അല് അഹമദ് ഇടനാഴിയില് നാളെ മുതല് ഒക്ടോബര് 15 വരെ താല്ക്കാലിക ഗതാഗത നിയന്ത്രണം
അമാനുല്ല വടക്കാങ്ങര
ദോഹ: സബാഹ് അല് അഹമ്മദ് ഇടനാഴിയില് നാളെ മുതല് ഒക്ടോബര് 15 വരെ താല്ക്കാലിക ഗതാഗത നിയന്ത്രണം. അല് മര്ഖിയ സ്ട്രീറ്റിനും താനി ബിന് ജാസിം ഇന്റര്സെക്ഷനും ഇടയിലുള്ള ഭാഗമാണ് രണ്ടാഴ്ചത്തേക്ക് അര്ദ്ധരാത്രി 12 മുതല് പുലര്ച്ചെ 5 വരെ അടക്കുന്നത്.വെള്ളിയാഴ്ചകളില് പുലര്ച്ചെ 2 മുതല് രാവിലെ 9 വരെയായിരിക്കും അടക്കുക.
പൊതുമരാമത്ത് അതോറിറ്റി (അഷ്ഗാല്) ജനറല് ഡയറക്ടറേറ്റ് ഓഫ് ട്രാഫിക്കുമായി ഏകോപിപ്പിച്ചാണ് റോഡ് അടക്കുന്നത്. താല്ക്കാലിക രാത്രി അടച്ചു.
കാല്നട പാലങ്ങളില് ക്ലാഡിംഗ്, ലൈറ്റ് വര്ക്കുകള് എന്നിവ പൂര്ത്തിയാക്കുന്നതിനാണ് അടച്ചുപൂട്ടുന്നത്.
അടച്ചുപൂട്ടല് സമയത്ത്, തെക്കോട്ട് പോകുന്ന റോഡ് ഉപയോക്താക്കള്ക്ക് എന്വയോണ്മെന്റ് സ്ട്രീറ്റിലേക്ക് വലത്തേക്ക് തിരിഞ്ഞ് അല് ദുഹൈല് ഇന്റര്സെക്ഷന് വഴി അല് ഗരാഫ സ്ട്രീറ്റിലേക്കും മുഹമ്മദ് ബിന് താനി ഇന്റര്സെക്ഷനിലേക്കും തുടര്ന്ന് താനി ബിന് ജാസിം ഇന്റര്സെക്ഷന് വഴി സബാ അല് അഹമ്മദ് കോറിഡോറിലേക്കും പോകാം.