Local News
വിദ്യാര്‍ത്ഥികള്‍ക്ക് സൗജന്യ കോഴ്സുകള്‍; ആസ്പയര്‍ കോളേജില്‍ പരിശീലനം
തൃത്താല . സംസ്ഥാന സര്‍ക്കാരിന്റെ കേരള നോളജ് ഇക്കണോമിക് മിഷന്‍ (കെ.കെ.ഇ.എം)വിദ്യാര്‍ത്ഥികള്‍ക്ക് നല്‍കുന്ന സൗജന്യ ആഡ് ഓണ്‍ കോഴ്സുകളുടെ ഭാഗമായി ആസ്പയര്‍ കോളേജില്‍ അധ്യാപകര്‍ക്ക് പരിശീലനം സംഘടിപ്പിച്ചു. അധ്യാപകര്‍ വിദ്യാര്‍ത്ഥികളുടെ മെന്റര്‍മാരായി പ്രവര്‍ത്തിക്കുന്ന പദ്ധതിയില്‍ നിരവധി കോഴ്സുകളാണ് വാഗ്ദാനം ചെയ്യുന്നത്. ആസ്പയര്‍ കോളേജിലെ വിദ്യാര്‍ത്ഥികള്‍ക്ക് ഈ കോഴ്സുകള്‍ തെരഞ്ഞെടുക്കാന്‍ അവസരമുണ്ട്. വിവിധ കാലാവധിയുള്ള കോഴ്സുകള്‍ പൂര്‍ത്തിയാക്കിയാല്‍ കെ.കെ.ഇ.എം സര്‍ട്ടിഫിക്കറ്റുകള്‍ നല്‍കും.
മുഖ്യപരിശീലകന്‍ ഡോ.ഷംസുദ്ദീന്‍ ക്ലാസ് നയിച്ചു. ആസ്പയര്‍ കോളേജ് പ്രിന്‍സിപ്പല്‍ ഡോ.മുഹമ്മദ് ഫാസില്‍ ഉദ്ഘാടനം ചെയ്തു. അസിസ്റ്റന്റ് പ്രൊഫസര്‍ അസ്്ന സ്വാഗതവും ഇ.ഡി ക്ലബ്ബ് കോ-ഓഡിനേറ്റര്‍ മിനി എം.പി നന്ദിയും പറഞ്ഞു. കോളേജിലെ അധ്യാപകര്‍ ചര്‍ച്ചയില്‍ പങ്കെടുത്തു.
