ടോസ്റ്റ്മാസ്റ്റേഴ്‌സ് ഖത്തര്‍ ഡിസ്ട്രിക്ട് ആദ്യ വനിതാ ഡയറക്ടര്‍ക്ക് കേരളപ്പിറവി ദിനത്തില്‍ മൈന്‍ഡ്ട്യൂണിന്റെ ആദരം
ദോഹ: മൈന്‍ഡ്ട്യൂണ്‍ ഇക്കോവേവ്‌സ് ഖത്തര്‍ ”കേരളപ്പിറവി” ദിനാഘോഷ ചടങ്ങില്‍
ഡിസ്ടിക്റ്റ് 116 ഖത്തര്‍ ടോസ്റ്റ്മാസ്റ്റേഴ്‌സ് ഇന്റര്‍നാഷണല്‍ ആദ്യ വനിതാ ഡയറക്ടറായ മലയാളി കൂടിയായ സബീന എം.കെയെ മൈന്‍ഡ്ട്യൂണ്‍ ഇക്കോ വേവ്‌സ് ഖത്തര്‍ കമ്മ്യൂണ്‍ ചെയര്‍മാന്‍ മുത്തലിബ് മട്ടന്നൂര്‍ ആദരിച്ചു.
ചടങ്ങില്‍ മൈന്‍ഡ്ട്യൂണ്‍ ഇക്കോ വേവ്‌സ് ഗ്ലോബല്‍ സെക്രട്ടറി ജനറല്‍ മശ്ഹൂദ് വി.സി അധ്യക്ഷത വഹിച്ചു. വൈസ് ചെയര്‍മാന്‍ ബൈജു പി. മൈക്കിള്‍ സ്വാഗതവും ജാഫര്‍ മുറിച്ചാണ്ടി നന്ദിയും പറഞ്ഞു. മൈന്‍ഡ് ട്രയിനറും ഹാപ്പി ലൈഫ് കോച്ചുമായ സി.എ. റസാഖ് കേരളപ്പിറവി ദിന സന്ദേശം നല്‍കി.
ചടങ്ങില്‍ വെച്ച് ഖത്തര്‍ മൈന്‍ഡ്ട്യൂണ്‍ രക്ഷാധികാരി ഉസ്മാന്‍ കല്ലന്‍, കേരളപ്പിറവി ഗാനം രചിച്ച അലവി വയനാട് എന്നിവരെ പൊന്നാട അണിയിച്ച് ആദരിക്കുകയും ചെയ്തു.
കേരളപ്പിറവി ആഘോഷത്തില്‍ മൈന്‍ഡ്ട്യൂണിന്റെ ഹൃദയരാഗ സമര്‍പ്പണവും നടന്നു. ചടങ്ങില്‍ രാജേഷ് വി.സി അബ്ദുള്ള പൊയില്‍, അബ്ദുള്ള വി.പി., ബഷീര്‍ അഹമ്മദ് , ജലില്‍, ഹമീദ്, സമീല്‍ ചാലിയം ,ഫാറൂഖ് കണ്ണൂര്‍ , അയ്യൂബ്ഖാന്‍, മജീദ് സി.എ, ഫാസില മഷ്ഹൂദ്,റസിയ ഉസ്മാന്‍, ബൽക്കീസ് നാസർ തുടങ്ങിയവര്‍ ആശംസകള്‍ നേര്‍ന്ന് സംസാരിച്ചു..
മാത്ത് ഗീക്ക് സംരംഭക കൂടിയായ അജീന പരിപാടിയുടെ അവതാരകയായിരുന്നു.
