ഡോ. അമാനുല്ല വടക്കാങ്ങര

ദോഹ. ഖത്തറില്‍ നിരോധിക്കപ്പെട്ട പുകയില ഉല്‍പന്നമായ തമ്പാക്കിന്റെ വന്‍ ശേഖരം ഹമദ് തുറമുഖ കസ്റ്റംസ് പിടികൂടി. 3586 റെഡിമെയ്ഡ് വസ്ത്രങ്ങളുടെ പാര്‍സലിനുള്ളില്‍ ഒളിപ്പിച്ച 4482 കിലോ തമ്പാക്കാണ് പിടികൂടിയതെന്ന് കസ്റ്റംസ് അധികൃതര്‍ അറിയിച്ചു.നിരോധിത വസ്തുക്കള്‍ പിടികൂടുന്നതിനുള്ള അത്യാധുനിക സൗകര്യങ്ങളും സംവിധാനങ്ങളുമാണ് ഖത്തറിലെ പോര്‍ട്ടുകളിലും എയര്‍പോര്‍ട്ടിലുമുള്ളത്.

പിടികൂടുന്നവര്‍ക്കെതിരെ കണിശമായ നിയമനടപടികള്‍ സ്വീകരിക്കുമെന്നതിനാല്‍ ഇത്തരം നിരോധിത വസ്തുക്കള്‍ ഖത്തറിലേക്ക് കൊണ്ടുവരുന്നതില്‍ നിന്നും ജനങ്ങള്‍ വിട്ടുനില്‍ക്കണമെന്ന് അധികൃതര്‍ ആവര്‍ത്തിച്ച് ആവശ്യപ്പെട്ടു.