ഡോ. അമാനുല്ല വടക്കാങ്ങര

ദോഹ. ഖത്തര്‍ അമീര്‍ ശൈഖ് തമീം ബിന്‍ ഹമദ് അല്‍ ഥാനിക്ക് കുവൈറ്റ് അമീര്‍ ശൈഖ് നവാഫ് അല്‍ അഹ്‌മദ് അല്‍ ജാബര്‍ അല്‍ സബയില്‍ നിന്ന് രേഖാമൂലമുള്ള സന്ദേശം ലഭിച്ചു.

കുവൈറ്റ് വിദേശകാര്യ മന്ത്രി ശൈഖ് ഡോ അഹമ്മദ് നാസര്‍ അല്‍ മുഹമ്മദ് അല്‍ സബയാണ് സന്ദേശം കൈമാറിയത്.

‘ഇരുരാജ്യങ്ങളും തമ്മിലുള്ള ശക്തമായ സാഹോദര്യ ബന്ധവും അവ ശക്തിപ്പെടുത്തുന്നതിനും വികസിപ്പിക്കുന്നതിനുമുള്ള സാധ്യതകളുമായി ബന്ധപ്പെട്ടതാണ്, സന്ദേശത്തിന്റെ ഉള്ളടക്കമെന്ന് ഖത്തര്‍ ന്യൂസ് ഏജന്‍സി റിപ്പോര്‍ട്ട് ചെയ്തു.

കുവൈത്ത് അമീറിന്റെ സ്‌നേഹ സന്ദേശത്തിന് നന്ദി പറഞ്ഞ ഖത്തര്‍ അമീര്‍ കുവൈത്ത് അമീറിന് ആശംസകള്‍ അറിയിച്ചു.