ഡോ. അമാനുല്ല വടക്കാങ്ങര

ദോഹ : ഖത്തറില്‍ കോവിഡ് കുതിക്കുന്നു, ഇന്ന് 780 കോവിഡ് കേസുകള്‍ സ്ഥിരീകരിച്ചു. ഇന്നും രണ്ട് കോവിഡ് മരണം, മൊത്തം മരണം 291 ആയി. കഴിഞ്ഞ 24 മണിക്കൂറിനുള്ളില്‍ നടന്ന 13589 പരിശോധനകളില്‍ 118 യാത്രക്കാര്‍ക്കടക്കം 780 പേര്‍ക്ക് കോവിഡ് സ്ഥിരീകരിച്ചപ്പോള്‍ 437 പേര്‍ക്ക് മാത്രമാണ് രോഗ മുക്തി റിപ്പോര്‍ട്ട് ചെയ്തത്. ഇതോടെ ചികില്‍സയിലുള്ള മൊത്തം രോഗികള്‍ 15552 ആയി. ചികിത്സയിലായിരുന്ന 49,62 പ്രായമുളള രണ്ട് പേര്‍ മരണപ്പെട്ടതോടെ മൊത്തം മരണസംഖ്യ 291 ആയി.

കഴിഞ്ഞ 24 മണിക്കൂറിനുള്ളില്‍ 239 പേര്‍ ആശുപത്രിയില്‍ പ്രവേശിപ്പിക്കപ്പെട്ടതോടെ ആശുപത്രികളില്‍ ചികില്‍സയിലുള്ളവരുടെ എണ്ണം 1668 ആയി. 51 പേരാണ് കഴിഞ്ഞ 24 മണിക്കൂറിനുള്ളില്‍ അത്യാഹിത വിഭാഗത്തില്‍ പ്രവേശിപ്പിക്കപ്പെട്ടത്. മൊത്തം 338 പേരാണ് ഇപ്പോള്‍ തീവ്ര പരിചരണ വിഭാഗത്തിലുള്ളത്.