ഖത്തറില് ഇന്ന് രോഗികളേക്കാള് രോഗമുക്തര്
ഡോ. അമാനുല്ല വടക്കാങ്ങര :
ദോഹ : കഴിഞ്ഞ 24 മണിക്കൂറിനുള്ളില് 28159 പേരില് നടന്ന പരിശോധനയില് 183 പേര്ക്ക് രോഗം സ്ഥിരീകരിച്ചപ്പോള് 200 പേര്ക്കാണ് രോഗമുക്തി റിപ്പോര്ട്ട് ചെയ്തത്.
സാമൂഹ്യ വ്യാപനത്തിലൂടെ 118 പേര്ക്കും യാത്രക്കാരിലൂടെ 65 പേര്ക്കുമാണ് രോഗം സ്ഥിരീകരിച്ചത്.
ഇന്ന് മരണങ്ങളൊന്നും റിപ്പോര്ട്ട് ചെയ്തിട്ടില്ല. രാജ്യത്തെ മൊത്തം കോവിഡ് മരണ സംഖ്യ 602 ആണ്. രാജ്യത്ത് ചികില്സയിലുള്ള മൊത്തം രോഗികള് 2845 ആണ്.
കഴിഞ്ഞ 24 മണിക്കൂറിനുള്ളില് 12 പേര് ആശുപത്രിയില് പ്രവേശിപ്പിക്കപ്പെട്ടതോടെ ആശുപത്രികളില് ചികില്സയിലുള്ളവരുടെ എണ്ണം 72 ആയി. പുതുതായി ഒരാളെയാണ് തീവ്ര പരിചരണ വിഭാഗത്തില് പ്രവേശിപ്പിക്കപ്പെട്ടത്. 20 പേരാണ് ഇപ്പോള് തീവ്ര പരിചരണ വിഭാഗത്തില് ചികിത്സയിലുള്ളത്.