ഖത്തറില് കോവിഡ് പ്രോട്ടോക്കോള് ലംഘിച്ച 200 പേര് പിടിയില്
ഡോ. അമാനുല്ല വടക്കാങ്ങര
ദോഹ. ഖത്തറില് കോവിഡ് സുരക്ഷ മുന്കരുതലുകള് ലംഘിച്ച 200 പേരെ ഇന്നലെ പിടികൂടിയതായി ആഭ്യന്തര മന്ത്രാലയം അറിയിച്ചു.
ഫേസ് മാസ്ക് ധരിക്കാത്തതിന് 186 പേരാണ് പിടിയിലായത്. കോവിഡ് പ്രോട്ടോക്കോളിന്റെ ഭാഗമായി പുറത്തിറങ്ങുമ്പോള് ഫേസ് മാസ്ക് ധരിക്കല് നിര്ബന്ധമാണ്. വീഴ്ച വരുത്തുന്നവര്ക്ക് രണ്ട് ലക്ഷം റിയാല് വരെ പിഴ ലഭിക്കാം.
സുരക്ഷിതമായ സാമൂഹിക അകലം പാലിക്കാത്തതിന് 8 പേരെയും, ക്വാറന്ററൈന് വ്യവസ്ഥകള് ലംഘിച്ചതിന് 4 പേരേയും മൊബൈല് ഫോണില് ഇഹ് തിറാസ് ആപ്ളിക്കേഷന് ഇന്സ്റ്റാള് ചെയ്യാത്തതിന് 2 പേരേയുമാണ് ഇന്നലെ പിടികൂടിയത്.
പിടികൂടിയവരെയെല്ലാം പബ്ളിക് പ്രോസിക്യൂഷന് കൈമാറിയിരിക്കുകയാണ്.