ഖത്തറില് ഇന്ന് 103 കോവിഡ് രോഗികള്, 104 രോഗമുക്തര്
ദോഹ : കഴിഞ്ഞ 24 മണിക്കൂറിനുള്ളില് നടന്ന 17902 പരിശോധനകളില് 30 യാത്രക്കാര്ക്കടക്കം 103 പേര്ക്കാണ് ഇന്ന് കോവിഡ് റിപ്പോര്ട്ട് ചെയ്തത്. ഇതില് 73 പേര്ക്ക് സാമൂഹ്യ വ്യാപനത്തിലൂടെയാണ് കോവിഡ് സ്ഥിരീകരിച്ചത്.
104 പേര്ക്കാണ് ഇന്ന് രോഗമുക്തി റിപ്പോര്ട്ട് ചെയ്തത്. ഇതോടെ രാജ്യത്ത് ചികില്സയിലുള്ള മൊത്തം രോഗികള് 1396 ആയി ഉയര്ന്നിട്ടുണ്ട്.
കഴിഞ്ഞ 24 മണിക്കൂറിനുള്ളില് പുതുതായി 6 പേരാണ് ആശുപത്രിയില് പ്രവേശിപ്പിക്കപ്പെട്ടത്. 62 പേരാണ് നിലവില് ആശുപത്രിയില് ചികില്സയിലുള്ളത്. കഴിഞ്ഞ 24 മണിക്കൂറിനുള്ളില് രണ്ടാളെയാണ് അത്യാഹിത വിഭാഗത്തില് പ്രവേശിപ്പിച്ചത്. മൊത്തം 8 പേരാണ് തീവ്ര പരിചരണ വിഭാഗത്തില് ചികില്സയിലുളളത്.