ഖത്തറില് സാമൂഹ്യ അകലം പാലിക്കാത്തതിന് 270 പേര് പിടിയില്
അമാനുല്ല വടക്കാങ്ങര
ദോഹ. ഖത്തറില് സുരക്ഷിതമായ സാമൂഹ്യ അകലം പാലിക്കാത്തതിന് 270 പേര് പിടിയില് . കോവിഡ് വ്യാപനം രൂക്ഷമായ സാഹചര്യത്തില് സമൂഹം പ്രോട്ടോക്കോള് പാലിക്കുന്നു എന്നുറപ്പുവരുത്തുന്നതിനുള്ള പരിശോധനകള് ഊര്ജിതമാക്കിയതിന്റെ ഭാഗമായാണ് സാമൂഹ്യ അകലം പാലിക്കാത്ത 270 പേരെ പോലീസ് പിടികൂടിയത്.
ഫേസ് മാസ്ക് ധരിക്കാത്തതിന് 595 പേരേയും , മൊബൈലില് ഇഹ് തിറാസ് ആപ്പ് ഡൗണ്ലോഡ് ചെയ്യാത്തതിന് 33 പേരെയും അടക്കം മൊത്തം 898 പെരെ ഇന്നലെ പിടികൂടിയതായി ആഭ്യന്തര മന്ത്രാലയം അറിയിച്ചു.
രാജ്യത്തിന്റേയും ജനങ്ങളുടേയും സുരക്ഷ കണക്കിലെടുത്ത് എല്ലാവരും പ്രോട്ടോക്കോളുകള് കണിശമായി പാലിക്കണമെന്ന് അധികൃതര് ആവശ്യപ്പെട്ടു.
പിടികൂടിയവരെയെല്ലാം തുടര്നടപടികള്ക്കായി പബ്ളിക് പ്രോസിക്യൂഷന് കൈമാറിയിരിക്കുകയാണ്