മാതൃക ഉഭയകക്ഷി പങ്കാളിത്തം വികസിപ്പിക്കാനൊരുങ്ങി ഖത്തറും അമേരിക്കയും
അമാനുല്ല വടക്കാങ്ങര
ദോഹ. വര്ഷത്തിലുടനീളം നടക്കുന്ന നിരവധി പരിപാടികളിലൂടെ ഖത്തറും യുണൈറ്റഡ് സ്റ്റേറ്റ്സും തങ്ങളുടെ ‘മാതൃക’ ഉഭയകക്ഷി പങ്കാളിത്തം 2023-ല് പുതിയ ചക്രവാളങ്ങളിലേക്ക് വ്യാപിപ്പിക്കാന് പരിശ്രമിക്കുകയാണ്. ഖത്തര്-യുഎസ് സ്ട്രാറ്റജിക് ഡയലോഗ്, വനിതാ ഫുട്ബോള് എക്സ്ചേഞ്ച് പ്രോഗ്രാം, ഫിലിം ഫെസ്റ്റിവല്, മറ്റ് നിരവധി പരിപാടികള് തുടങ്ങി ഇരുരാജ്യങ്ങളും തമ്മിലുള്ള പങ്കാളിത്തം, ഉന്നതതല സന്ദര്ശനങ്ങള് തുടങ്ങിയവ ബന്ധം കൂടുതല് വികസിപ്പിക്കാന് സഹായകമാകുമെന്ന് ഖത്തറിലെ യുഎസ് അംബാസഡര് ടിമ്മി ടി ഡേവിസ് അഭിപ്രായപ്പെട്ടു.