മെയ് 3 ബുധനാഴ്ച മുതല്‍ ലുസൈല്‍ ബൊളിവാര്‍ഡിലേക്ക് വാഹനങ്ങള്‍ക്ക് പ്രവേശനം
അമാനുല്ല വടക്കാങ്ങര
ദോഹ: മെയ് 3 ബുധനാഴ്ച മുതല്‍ ലുസൈല്‍ ബൊളിവാര്‍ഡിലേക്ക് വാഹനങ്ങള്‍ക്ക് പ്രവേശനം അനുവദിക്കുമെന്ന് ബന്ധപ്പെട്ടവര്‍ സാമൂഹ്യ മാധ്യമങ്ങളിലൂടെ അറിയിച്ചു. ഈദുല്‍ ഫിത്വര്‍ പ്രമാണിച്ച് ലുസൈല്‍ ബൊളിവാര്‍ഡിലേക്ക് വാഹനങ്ങള്‍ക്ക് പ്രവേശനമുണ്ടായിരുന്നില്ല. കഴിഞ്ഞ ദിവസമാണ് ലുസൈലിലെ ഈദാഘോഷ പരിപാടികളുടെ കൊടിയിറങ്ങിയത്. മെയ് 3 ഉച്ചകഴിഞ്ഞ് 3 മണി മുതല്‍ കാറുകള്‍ക്ക് അവന്യൂവിലേക്ക് പ്രവേശിക്കാമെന്ന് ലുസൈല്‍ സിറ്റി വ്യക്തമാക്കി
