മയക്കുമരുന്ന് വില്പന : ഖത്തറില് ഏഷ്യന് വംശജന് അറസ്റ്റില്
ദോഹ. ഖത്തറില് വിവിധ തരം മയക്കുമരുന്നുകള് ദുരുപയോഗം ചെയ്യുകയും പ്രോത്സാഹിപ്പിക്കുകയും ചെയ്തതിന് ഒരു ഏഷ്യക്കാരനെ ഡ്രഗ് എന്ഫോഴ്സ്മെന്റ് ജനറല് ഡയറക്ടറേറ്റ് പിടികൂടിയതായി ആഭ്യന്തര മന്ത്രാലയം ബുധനാഴ്ച ട്വീറ്റ് ചെയ്തു. ഇയാളുടെ വസതിയില് നടത്തിയ പരിശോധനയില് 50 കിലോ ഹാഷിഷ്, 4 കിലോ ഷാബു, 45 ഗ്രാം ലിറിക്ക പൗഡറും അതിന്റെ എട്ട് ക്യാപ്സ്യൂളുകളും മയക്കുമരുന്ന് പദാര്ത്ഥങ്ങള് തൂക്കാന് ഉപയോഗിക്കുന്ന രണ്ട് ഡിജിറ്റല് സ്കെയിലുകളും പിടിച്ചെടുത്തു. പ്രതി കുറ്റം സമ്മതിക്കുകയും തുടര്നടപടികള് ആരംഭിക്കുന്നതിനായി പിടികൂടിയ മയക്കുമരുന്ന് സഹിതം പബ്ലിക് പ്രോസിക്യൂഷന് റഫര് ചെയ്യുകയും ചെയ്തു.