ഖത്തര്‍ ലോകകപ്പ് പ്രീക്വാര്‍ട്ടര്‍ മല്‍സരങ്ങള്‍ ഇന്നവസാനിക്കും
റഷാദ് മുബാറക്
ദോഹ. ഖത്തര്‍ ലോകകപ്പ് പ്രീക്വാര്‍ട്ടര്‍ മല്‍സരങ്ങള്‍ ഇന്നവസാനിക്കും. ഇന്ന് വൈകുന്നേരം 6 മണിക്ക് എഡ്യൂക്കേഷണ്‍ സിറ്റി സ്റ്റേഡിയത്തില് മൊറോക്കോയും സ്‌പെയിനും തമ്മിലും രാത്രി 10 മണിക്ക് ലുസൈല്‍ സ്റ്റേഡിയത്തില് പോര്‍ച്ചുഗലും സ്വിറ്റ്‌സര്‍ലാന്‍ഡും തമ്മിലാണ് മല്‍സരം.
ഡിസംബര്‍ 9, 10 തിയ്യതികളിലാണ് ക്വാര്‍ട്ടര്‍ ഫൈനല്‍ മല്‍സരങ്ങള്‍ നടക്കുക. ബ്രസീല്‍ ക്രോയേഷ്യ പോരാട്ടം ഡിസംബര്‍ 9 ന് വൈകുന്നേരം 6 മണിക്ക് എഡ്യൂക്കേഷണ്‍ സിറ്റി സ്റ്റേഡിയത്തിലും നെതര്‌ലന്റ് അര്‍ജന്റീന പോരാട്ടം അന്ന് രാത്രി 10 മണിക്ക് ലുസൈല്‍ സ്റ്റേഡിയത്തിലും നടക്കും.
ഡിസംബര്‍ 10 ന് ഇന്ന് നടക്കുന്ന പ്രീ ക്വാര്‍ട്ടര്‍ വിജയികള്‍ തമ്മില്‍ വൈകുന്നേരം 6 മണിക്ക് അല്‍ തുമാമ സ്റ്റേഡിയത്തിലും അന്ന് രാത്രി 10 മണിക്ക് ഇംഗ്‌ളണ്ടും ഫ്രാന്‍സും തമ്മിലുള്ള മല്‍സരം അല്‍ ബെയ്ത്ത് സ്റ്റേഡിയത്തിലും നടക്കും.
