Local News
യൂറോപ്യന് കൗണ്സില് പ്രസിഡന്റ് അന്റോണിയോ കോസ്റ്റയും ഖത്തര് അമീര് ശൈഖ് തമീം ബിന് ഹമദ് അല്താനിയും കൂടിക്കാഴ്ച നടത്തി
യൂറോപ്യന് കൗണ്സില് പ്രസിഡന്റ് അന്റോണിയോ കോസ്റ്റയും ഖത്തര് അമീര് ശൈഖ് തമീം ബിന് ഹമദ് അല്താനിയും കൂടിക്കാഴ്ച നടത്തി
അമീരി ദിവാനില് നടന്ന കൂടിക്കാഴ്ചയില് ഗാസയിലെയും ലെബനനിലെയും സ്ഥിതിഗതികള്, അതിന്റെ മാനുഷിക, സുരക്ഷാ പ്രത്യാഘാതങ്ങള് എന്നിവയുള്പ്പെടെ, പ്രത്യേകിച്ച് മിഡില് ഈസ്റ്റിലെ ഏറ്റവും പുതിയ പ്രാദേശിക, അന്തര്ദേശീയ സംഭവവികാസങ്ങള് ചര്ച്ച ചെയ്തു.
ഖത്തറും യൂറോപ്യന് യൂണിയനും തമ്മിലുള്ള തന്ത്രപരമായ പങ്കാളിത്തം ശക്തിപ്പെടുത്തുന്നതിനുള്ള വഴികളും യോഗം ചര്ച്ച ചെയ്തു. അന്താരാഷ്ട്ര വിപണികളിലേക്ക് ദ്രവീകൃത പ്രകൃതിവാതകം വിതരണം ചെയ്യുന്നത് ഉള്പ്പെടെ ആഗോള ഊര്ജ്ജ സുരക്ഷയെ പിന്തുണയ്ക്കുന്നതില് വിശ്വസനീയ പങ്കാളിയെന്ന നിലയില് ഖത്തറിന്റെ പങ്ക് ഇരുപക്ഷവും അടിവരയിട്ടു.
