Local News
ശൈഖ് സൗദ് ബിന് അബ്ദുള്റഹ്മാന് ബിന് ഹസ്സന് അല്താനി തുര്ക്കി സായുധ സേന ജനറല് സ്റ്റാഫ് മേധാവി ജനറല് സെലുക് ബെയ്റക്തറോഗ്ലുവുമായും സംഘവുമായും കൂടിക്കാഴ്ച നടത്തി
ഖത്തര് ഉപപ്രധാനമന്ത്രിയും പ്രതിരോധകാര്യ സഹമന്ത്രിയുമായ ശൈഖ് സൗദ് ബിന് അബ്ദുള്റഹ്മാന് ബിന് ഹസ്സന് അല്താനി തുര്ക്കി സായുധ സേന ജനറല് സ്റ്റാഫ് മേധാവി ജനറല് സെലുക് ബെയ്റക്തറോഗ്ലുവുമായും സംഘവുമായും കൂടിക്കാഴ്ച നടത്തി.
മേഖലയിലെ ഏറ്റവും പുതിയ സുരക്ഷാ സംഭവവികാസങ്ങള് യോഗം അവലോകനം ചെയ്യുകയും നിലവിലെ സാഹചര്യങ്ങളുടെ വെളിച്ചത്തില് പ്രതിരോധ സഹകരണത്തിന്റെയും സംയുക്ത ഏകോപനത്തിന്റെയും വശങ്ങള് ചര്ച്ച ചെയ്യുകയും ചെയ്തു.
ഖത്തര് സായുധ സേനയുടെ ചീഫ് ഓഫ് സ്റ്റാഫ് മേജര് ജനറല് (പൈലറ്റ്) ജാസിം ബിന് മുഹമ്മദ് അല് മന്നായിയും ഇരുവിഭാഗങ്ങളിലെയും നിരവധി മുതിര്ന്ന ഉദ്യോഗസ്ഥരും യോഗത്തില് പങ്കെടുത്തു.
