ഡോ. അമാനുല്ല വടക്കാങ്ങര

ദോഹ: അല്‍ മീറാഡ് -4 ല്‍ പുതിയ പെട്രോള്‍ സ്‌റ്റേഷനുമായി വുഖൂദ് . രാജ്യത്തിന്റെ എല്ലാ പ്രദേശങ്ങളിലും ഗുണനിലവാരമുളള സേവനം ലഭ്യമാക്കുന്നതിനുള്ള വിപുലീകരണ പദ്ധതികളുടെ ഭാഗമായാണിത്. ഇതോടെ വുഖൂദിന്റെ പെട്രോള്‍ സ്റ്റേഷനുകളുടെ എണ്ണം 107 ആയി ഉയര്‍ന്നുപെട്രോളിയം ഉല്‍പന്നങ്ങളുടെ വര്‍ദ്ധിച്ചുവരുന്ന ആവശ്യം നിറവേറ്റുന്നതിനും ലക്ഷ്യം നേടുന്നതിനുമായി രാജ്യത്ത് ശൃംഖല വിപുലീകരിക്കാനുള്ള വുഖൂദിന്റെ പരിപാടിയുടെ ഭാഗമാണിത്. 8000 ചതുരശ്ര മീറ്റര്‍ വിസ്തൃതിയുള്ളതാണ് പുതിയ അല്‍ മീറാഡ് 4 പെട്രോള്‍ സ്റ്റേഷന്‍. ലൈറ്റ് വാഹനങ്ങള്‍ക്കായി 4 വരികളില്‍ 8 ഡിസ്‌പെന്‍സറുകളാണ് ഇവിടെയുള്ളത്.അല്‍ മീറാഡ് -4 പെട്രോള്‍ സ്റ്റേഷന്‍ ഇരുപത്തിനാല് മണിക്കൂറും പ്രവര്‍ത്തിക്കും. ലൈറ്റ് വാഹനങ്ങള്‍ക്ക് ഗ്യാസോലിന്‍, ഡീസല്‍ ഉല്‍പന്നങ്ങള്‍ വില്‍ക്കുന്നതിനു പുറമേ സിദ്ര കണ്‍വീനിയന്‍സ് സ്റ്റോര്‍, എല്‍പിജി സിലിണ്ടര്‍ ഷഫാഫ് വില്‍പനയും ഈ പെട്രോള്‍ സ്‌റ്റേഷനിന്റെ ഭാഗമാണ്