ഡോ. അമാനുല്ല വടക്കാങ്ങര :

ദോഹ: ഖത്തറില്‍ നടക്കുന്ന ഫിഫ ക്ലബ് വേള്‍ഡ് കപ്പിന്റെ സെമി ഫൈനല്‍ മത്സരങ്ങള്‍ കാണാന്‍ സൗകര്യമൊരുക്കി ഡ്രൈവ് ഇന്‍ സിനിമ . ഖത്തര്‍ നാഷണല്‍ ടൂറിസം കൗണ്‍സില്‍ ദോഹ ഫിലിം ഇന്‍സ്റ്റിറ്റ്യൂട്ടുമായി സഹകരിച്ചാണ് ലുസൈലിലെ ഡ്രൈവ് ഇന്‍ സിനിമാസില്‍ പന്തുകളി കാണാന്‍ സൗകര്യമൊരുക്കുന്നത്. നാളെയും മറ്റന്നാളും (ഞായര്‍, തിങ്കള്‍ ) ദിവസങ്ങളില്‍ രാത്രി 9 മണിക്കാണ് സെമി ഫൈനല്‍ മല്‍സരങ്ങള്‍ കാണാനാവുക.

159 കാറുകള്‍ ടിക്കറ്റ് നല്‍കും. ടിക്കറ്റ് നിരക്ക് 120 മുതല്‍ 150 റിയല്‍ വരെയായിരിക്കും. ഒരു കാറില്‍ 4 പേര്‍ക്ക് വരെ ഇരുന്ന് കളികാണാം. എല്ലാവരും കോവിഡ് പ്രോട്ടോക്കോളുകള്‍ പാലിക്കണം. വാഹനങ്ങളുടെ സുഗമമായ പ്രവേശനം ഉറപ്പുവരുത്തുവാന്‍ കളി തുടങ്ങുന്നതിന് ഒരു മണിക്കൂര്‍ മുമ്പ് തന്നെ ഡ്രൈവ് ഇന്‍ സിനിമാസ് തുറക്കും.
18 വയസ്സിന് മുകളിലുള്ളവര്‍ക്കൊക്കെ ഇഹ് തിറാസ് ആപ്പില്‍ പച്ച സ്റ്റാറ്റസ് നിര്‍ബന്ധമാണ് . ഓരോ കാറിനും പാര്‍ക്കിംഗ് ഏരിയയില്‍ രണ്ട് കസേരകള്‍ അനുവദിക്കും.

https://www.dohafilminstitute.com/nowplaying എന്ന ലിങ്കിലൂടെയാണ് ടിക്കറ്റുകള്‍ സ്വന്തമാക്കേണ്ടത്.