ജിജോയ് ജോര്‍ജിന് സിംഫണി ആര്‍ട്‌സ് ആന്റ് മ്യൂസിക് സെന്ററിന്റെ ആദരം
ഡോ. അമാനുല്ല വടക്കാങ്ങര
ദോഹ. സംഗീത രംഗത്തെ മികച്ച സംഭാവനകള്‍ പരിഗണിച്ച് ദോഹയിലെ അധ്യാപകനും സാമൂഹ്യ പ്രവര്‍ത്തകനും ഗാനചയിതാവുമായ ജിജോയ് ജോര്‍ജിനെ സിംഫണി ആര്‍ട്‌സ് ആന്റ് മ്യൂസിക് സെന്ററിന്റെ ആദരിച്ചു.
കോട്ടയം ജില്ലയില്‍ കിടങ്ങൂര്‍ സ്വദേശിയായ ജിജോയ് കഴിഞ്ഞ പതിനാലു വര്‍ഷങ്ങളായി ഖത്തറില്‍ അദ്ധ്യാപകനാണ്.
ധാരാളം കവിതകള്‍, ആല്‍ബം ഗാനങ്ങള്‍, ഭക്തിഗാനങ്ങള്‍, കഥകള്‍, ഷോര്‍ട്ട് ഫിലിം തിരക്കഥകള്‍ എന്നിവ രചിച്ച ജിജോയിയുടെ ആദ്യ കവിതാ സമാഹാരം ‘ എന്റെ കവിതകള്‍’ എന്ന പേരില്‍ 2018 ല്‍ പുറത്തിറക്കിയിട്ടുണ്ട്.
ബഹറൈനിലെ 24 ഫ്രെയിം റീഡേര്‍സ് സംഘടിപ്പിച്ച ഷോര്‍ട്ട് ഫിലിം തിരക്കഥാ മത്സരത്തില്‍ സ്ഥാനം നേടിയിട്ടുണ്ട്.
മൈന്റ് ട്യൂണ്‍ ഇക്കോ വേവ്‌സിന്റെ തീം സോംഗിന്റെ പ്രധാന ശില്‍പിയെന്ന നിലക്കും ശ്രദ്ധേയനാണ് . കോളിന്‍ തോമസുമായി ചേര്‍ന്നാണ് ആ സംഗീതോപഹാരം ഒരുക്കിയത്.