ഏഷ്യന്‍ രാജ്യങ്ങളിലെ ഖത്തര്‍ വിസ സെന്ററുകള്‍ പ്രവര്‍ത്തനം പുനരാരംഭിച്ചു പ്രതീക്ഷയോടെ കമ്പനികളും തൊഴിലാളികളും

ഡോ. അമാനുല്ല വടക്കാങ്ങരJanuary 21, 2021

2,526 4,143 1 minute read

ഡോ. അമാനുല്ല വടക്കാങ്ങര

ദോഹ. കോവിഡ് നിയന്ത്രണങ്ങള്‍ മാറി ജനജീവിതം സാധാരണ നിലയിലേക്ക് നീങ്ങുന്നതിന്റെ ഭാഗമായി ഏഷ്യയിലെ ഖത്തര്‍ വിസ സെന്ററുകള്‍ പ്രവര്‍ത്തനം പുനരാരംഭിച്ചതോടെ കമ്പനികളും തൊഴിലാളികളും ഏറെ പ്രതീക്ഷയിലാണ്.

ഇന്ത്യയിലാണ് ഏറ്റവും കൂടുതല്‍ വിസ സെന്ററുകളുള്ളത് ഡല്‍ഹി, ലക്‌നോ , കൊച്ചി, ചെന്നൈ, മുമ്പൈ എന്നിവിടങ്ങളില്‍ വിസ സെന്ററുകള്‍ പ്രവര്‍ത്തനമാരംഭിച്ചിട്ടുണ്ട്.

ഫിലിപ്പൈന്‍സില്‍ മനില, പാക്കിസ്ഥാനില്‍ ഇസ് ലാമാബാദ്്, ബംഗ്‌ളാദേശില്‍ ധാക്ക, ശ്രീലങ്കയില്‍ കൊളംമ്പോ , നേപ്പാളില്‍ കാഠ്മണ്ടു എന്നിവിടങ്ങളിലും വിസ സെന്ററുകള്‍ പ്രവര്‍ത്തനമാരംഭിച്ചു.

എട്ട് മാസത്തിലേറെ അനിശ്ചിതത്വത്തിലായ തൊഴില്‍ മേഖല ഉണരുന്നതോടെ വ്യാപാര പുരോഗതി വിവിധ തലങ്ങളില്‍ പ്രതിഫലനങ്ങളുണ്ടാക്കും. പല കമ്പനികളും ആവശ്യത്തിന് ജീവനക്കാരില്ലാതെ പ്രയാസപ്പെടുകയായിരുന്നു. റിക്രൂട്ട്‌മെന്റ് നടപടികളൊക്കെ പൂര്‍ത്തീകരിച്ച്് വിസ പ്രോസസിംഗ് കാത്ത് കിടക്കുന്ന നിരവധി പേര്‍ക്ക് വിസ സെന്ററുകളുടെ സേവനം പ്രയോജനപ്പെടുത്താം.

കണിശമായ കോവിഡ് പ്രോട്ടോക്കോള്‍ അനുസരിച്ചായിരിക്കും വിസ സെന്ററുകള്‍ പ്രവര്‍ത്തിക്കുക. ഓണ്‍ ലൈനില്‍ മുന്‍കൂട്ടി അപ്പോയന്റ്‌മെന്റ് എടുത്താണ് സേവനത്തിനെത്തേണ്ടതെന്ന് നേരത്തെ തന്നെ നിര്‍ദേശം നല്‍കിയിട്ടുണ്ട്.

വിസ നടപടികള്‍ പൂര്‍ത്തീകരിച്ചാലും ഉയര്‍ന്ന ക്വാറന്റൈന്‍ ചിലവുകള്‍ കാരണം പല സ്ഥാപനങ്ങള്‍ക്കും ജീവനക്കാരെ കൊണ്ടുവരിക പ്രയാസമാകും. കോവിഡ് കാരണം ബിസിനസ് കുറഞ്ഞ് സാമ്പത്തികമായി ബുദ്ധിമുട്ടുന്ന പല സ്ഥാപനങ്ങള്‍ക്കും ക്വാറന്റൈന്‍ ചിലവുകള്‍ വലിയ ബാധ്യതയായേക്കും.

നേരത്തെ വിസ ലഭിച്ച കമ്പനികള്‍ക്കാണ് വിസ സെന്ററുകളുടെ സൗകര്യം പ്രയോജനപ്പെടുത്തി റിക്രൂട്ട് ചെയ്ത ജീവനക്കാരുടെ മെഡിക്കല്‍ നടപടികള്‍ പൂര്‍ത്തിയാക്കി ഖത്തറിലേക്ക് കൊണ്ടുവരുവാന്‍ കഴിയും. നവംബര്‍ 15 മുതല്‍ തുടങ്ങിയ പുതിയ വിസ അപേക്ഷകളിലും അപ്രൂവലുകള്‍ നല്‍കി തുടങ്ങിയതോടെ വരും ദിവസങ്ങളില്‍ വിസ സെന്ററുകള്‍ കൂടുതല്‍ സജീവമാകുമെന്നാണ് അറിയാന്‍ കഴിയുന്നത്.

ഡോ. അമാനുല്ല വടക്കാങ്ങരJanuary 21, 2021

2,526 4,143 1 minute read