ഖത്തറില് ഇന്ന് രോഗമുക്തരേക്കാള് കൂടുതല് കോവിഡ് രോഗികള്
അമാനുല്ല വടക്കാങ്ങര
ദോഹ : ഖത്തറില് ഇന്ന് രോഗമുക്തരേക്കാള് കൂടുതല് കോവിഡ് രോഗികള്. കഴിഞ്ഞ 24 മണിക്കൂറിനുള്ളില് നടന്ന 19330 പരിശോധനകളില് 60 യാത്രക്കാര്ക്കടക്കം 146 പേര്ക്ക് കോവിഡ് സ്ഥിരീകരിച്ചപ്പോള് 105 പേര്ക്ക് മാത്രമാണ് രോഗമുക്തി റിപ്പോര്ട്ട് ചെയ്തത്. ഇതോടെ രാജ്യത്ത് ചികില്സയിലുള്ള മൊത്തം രോഗികള് 1505 ആയി ഉയര്ന്നു
ഇന്ന് കോവിഡ് മരണങ്ങളൊന്നും റിപ്പോര്ട്ട് ചെയ്തില്ല. രാജ്യത്ത് മൊത്തം 599 പേരാണ് ഇതുവരെ കോവിഡ് ബാധിച്ച് മരിച്ചത്.
കഴിഞ്ഞ 24 മണിക്കൂറിനുള്ളില് 7 പേര് ആശുപത്രിയില് പ്രവേശിപ്പിക്കപ്പെട്ടതോടെ ആശുപത്രികളില് ചികില്സയിലുള്ളവരുടെ എണ്ണം 89 ആയി. പുതുതായി ആരും തീവ്ര പരിചരണ വിഭാഗത്തില് പ്രവേശിപ്പിക്കപ്പെട്ടില്ല. 35 പേരാണ് ഇപ്പോള് തീവ്ര പരിചരണ വിഭാഗത്തില് ചികിത്സയിലുള്ളത്.