എഞ്ചിനീയേര്സ് ഫോറം കായികമേളയ്ക്ക് തുടക്കം
ദോഹ: ഖത്തറിലെ മലയാളി എഞ്ചിനീയര്മാരുടെ കൂട്ടായ്മയായ എഞ്ചിനീയേര്സ് ഫോറം സംഘടിപ്പിക്കുന്ന ഈ വര്ഷത്തെ വോളിബോള് – ത്രോ ബോള് മത്സരങ്ങള്ക്ക് ആസ്പയര് ഡോമില് ആരംഭം കുറിച്ചു. പുരുഷന്മാര്ക്കുള്ള വോളിബോളിലും വനിതകള്ക്കുള്ള ത്രോ ബോളിലും യഥാക്രമം പന്ത്രണ്ടും പത്തും ടീമുകള് വീതമാണ് മാറ്റുരയ്ക്കുന്നത്. ഇന്ത്യന് സ്പോര്ട്സ് സെന്റര് അഡൈ്വസറി ബോര്ഡ് ചെയര്മാന് ഡോ. അബ്ദുല് സമദ് ആണ് വെള്ളിയാഴ്ച വൈകീട്ട് ആസ്പയര് ഡോമിലെ വോളിബോള് – ജൂഡോ ഹാളില് ഉദ്ഘാടനം ചെയ്തത്. ജനറല് സെക്രട്ടറി സാക്കിര് സ്വാഗതവും പ്രസിഡണ്ട് ആഷിഖ് അഹ്മദ് അധ്യക്ഷതയും സ്പോര്ട്സ് സെക്രട്ടറി ലബീബ് നന്ദിയും പറഞ്ഞു. ഈ എഫ് ബോര്ഡ് ഓഫ് ഗവര്ണര് അംഗം അന്വര് സാദത്ത് ആശംസകള് അര്പ്പിച്ചു.
എന്ജിനീയറിങ് കോളേജ് അലുംനികള് തമ്മില് നടക്കുന്ന മത്സരങ്ങളിലെ ആദ്യ റൗണ്ട് പൂര്ത്തിയാക്കിയ വോളിബോള് വിഭാഗത്തില് എം ഇ എസ് കുറ്റിപ്പുറം, എം ഇ എസ് പെരിന്തല്മണ്ണ , കോഴിക്കോട് ഗവണ്മെന്റ് എന്ജിനീയറിങ് കോളേജ്, കൊച്ചിന് യൂണിവേഴ്സിറ്റി എന്ജിനീയറിങ് കോളേജ് എന്നിവയുടെ ഖത്തര് അലുംനി ടീമുകള് സെമി ഫൈനലില് കടന്നു.
വനിതാ വിഭാഗത്തില് രണ്ട് റൗണ്ട് മത്സരങ്ങള് സമാപിച്ചപ്പോള് രണ്ട് വീതം മത്സരങ്ങള് ജയിച്ച കുറ്റിപ്പുറം എം ഇ എസ് , കൊല്ലം ടി കെ എം എന്നിവരെ കൂടാതെ ഓരോ മത്സരങ്ങള് ജയിച്ച വയനാട് ഗവണ്മെന്റ് കോളേജ്, പാലക്കാട് എന് എസ് എസ്, കോഴിക്കോട് ഗവണ്മെന്റ് കോളേജ്, കോതമംഗലം എം എ കോളേജ്, ചെങ്ങന്നൂര് കോളേജ്, കൊച്ചിന് യൂണിവേഴ്സിറ്റി എന്നിവയുടെ ഖത്തര് അലുംനികളാണ് സെമി സാധ്യത നിലനിര്ത്തിയത്.
അടുത്ത വ്യാഴാഴ്ച നടക്കുന്ന അവസാന റൗണ്ട് ലീഗ് മത്സരങ്ങള് കഴിഞ്ഞാലാണ് സെമി ഫൈനലിസ്റ്റുകളെ കണ്ടെത്തുക. സെപ്റ്റംബര് 26 വെള്ളിയാഴ്ചയാണ് കലാശപ്പോരാട്ടങ്ങള് നടക്കുക.