ഡോ. അമാനുല്ല വടക്കാങ്ങര

ദോഹ: ഖത്തര്‍ പ്രധാനമന്ത്രിയും ആഭ്യന്തരമന്ത്രിയുമായ ശൈഖ് ഖാലിദ് ബിന്‍ അബ്ദുല്‍ അസീസ് അല്‍ ഥാനി ഹമദ് പോര്‍ട്ട് കണ്ടെയിനര്‍ ടെര്‍മിനല്‍ രണ്ടിന്റെ പ്രാഥമിക പ്രവര്‍ത്തനങ്ങള്‍ ഉദ്ഘാടനം ചെയ്തുഷിപ്പിംഗ് ലൈന്‍ ഓപ്പറേറ്റര്‍മാരുടെ ആവശ്യങ്ങള്‍ നിറവേറ്റുന്നതിനുള്ള പരിസ്ഥിതി സൗഹൃദ സാങ്കേതിക ഉപകരണങ്ങളാല്‍ സജ്ജമായ കണ്ടെയിനര്‍ 2 ടെര്‍മിനല്‍ തുറമുഖ ശേഷി പ്രതിവര്‍ഷം മൂന്ന് ദശലക്ഷം കണ്ടെയ്‌നറുകളാക്കി വര്‍ദ്ധിപ്പിക്കുവാന്‍ പോന്നതാണ്. ഖത്തറിന്റെ ഭക്ഷ്്യ സുരക്ഷ ഉറപ്പാക്കുന്നതിനുള്ള സ്‌റ്റോറിംഗ് സംവിധാനം, കയറ്റുമതിയും ഇറക്കുമതിയും കണക്കിലെടുത്തുള്ള അത്യാധുനിക അടിസ്ഥാന വികസന സൗകര്യങ്ങള്‍, നൂതന സാങ്കേതിക വിദ്യ എന്നിവകളോടെയാണ് ടെര്‍മിനല്‍ രണ്ടിന്റെ നിര്‍മാണം പുരോഗമിക്കുന്നത്. ഹമദ് തുറമുഖ ആരോഗ്യ കേന്ദ്രത്തിന്റെ ഉദ്ഘാടനവും പ്രധാനമന്ത്രി നിര്‍വഹിച്ചു. തുറമുഖത്തെ ജീവനക്കാര്‍ക്കും സന്ദര്‍ശകര്‍ക്കും ആവശ്യമായ എല്ലാ മെഡിക്കല്‍ ഉപകരണങ്ങളും ഉള്‍ക്കൊള്ളുന്ന സൗകര്യങ്ങളോടെയാണ് ആരോഗ്യ കേന്ദ്രം സജ്ജീകരിച്ചിരിക്കുന്നത്.