അല്‍ ഉല പ്രഖ്യാപനം ഗള്‍ഫ് സഹകരണ കൗണ്‍സിലിന്റെ വിജയം
ഡോ. അമാനുല്ല വടക്കാങ്ങര
ദോഹ.മൂന്നര വര്‍ഷത്തിലധികം ഗള്‍ഫ് മേഖലയില്‍ ഉരുണ്ടുകൂടിയ അസമാധാനത്തിന്റേയും അകല്‍ച്ചയുടേയും കാര്‍മേഘങ്ങളെ തട്ടിമാറ്റി സ്‌നേഹത്തിന്റേയും സൗഹോദര്യത്തിന്റേയും വികാരങ്ങള്‍ക്ക് അടിവരയിടുന്ന ഉല്‍ ഉല പ്രഖ്യാപനത്തെ ലോകം ഒന്നടങ്കം സ്വാഗതം ചെയ്തു. സഹോദര രാജ്യങ്ങള്‍ പരസ്പരം സഹകരിച്ച് മുന്നേരുന്നത് മേഖലയുടെ വളര്‍ച്ചടക്കും പുരോഗതിക്കും ഏറെ സഹായകമാകുമെന്നാണ് വിലയിരുത്തപ്പെടുന്നത്. ഐക്യ രാഷ്ട്ര സംഘടനയടക്കമുള്ള അന്താരാഷ്ട്ര വേദികളും ലോക രാജ്യങ്ങളുമൊക്കെ ഇല്‍ ഉല കരാറിനെ പ്രശംസിച്ചത് ഗള്‍ഫ് മേഖലക്ക് വലിയ ആവേശമാണ് നല്‍കുന്നത്.
വാണിജ്യ വ്യാപാര രംഗങ്ങളിലും ഈ കരാര്‍ പോസിറ്റീവ് ചലനങ്ങള്‍ സൃഷ്ടിക്കുമെന്നാണ് കരുതുന്നത്.
അല്‍ ഉല പ്രഖ്യാപനം ഗള്‍ഫ് സഹകരണ കൗണ്‍സിലിന്റെ (ജിസിസി) വിജയമാണെന്ന് ഖത്തര്‍ ഉപപ്രധാനമന്ത്രിയും വിദേശകാര്യമന്ത്രിയുമായ ശൈഖ് മുഹമ്മദ് ബിന്‍ അബ്ദുള്‍റഹ്‌മാന്‍ അല്‍ ഥാനി പറഞ്ഞു.
സംഭവിച്ചത് അനുരഞ്ജനമാണെന്ന് ഞങ്ങള്‍ കരുതുന്നു. സൗദി അറേബ്യ എല്ലാ പാര്‍ട്ടികളെയും പ്രതിനിധീകരിച്ചു, എല്ലാവരും പങ്കെടുത്തു, എല്ലാവരും അല്‍ ഉല പ്രഖ്യാപനത്തില്‍ ഒപ്പിട്ടു, ശൈഖ് മുഹമ്മദ് അല്‍ ജസീറയോട് പറഞ്ഞു.
ഗള്‍ഫ് രാജ്യങ്ങള്‍ സഹോദര രാജ്യങ്ങളായി പരസ്പര സഹകരണത്തോടെ തുടരണമെന്നാണ് ലോകത്തിന്റെ വികാരം. അതിനാല്‍ അല്‍ ഉല കരാര്‍ ജി.സി.സി.യുടെ മൊത്തം വിജയാണ്.