ഡോ. അമാനുല്ല വടക്കാങ്ങരയുടെ മോട്ടിവേഷണല്‍ ഗ്രന്ഥമായ വിജയമന്ത്രങ്ങള്‍ എല്ലാവരേയും സ്വാധീനിക്കുന്ന ഗ്രന്ഥമാണെന്ന് ഇന്ത്യന്‍ കള്‍ചറല്‍ സെന്റര്‍ പ്രസിഡണ്ടായി തെരഞ്ഞെടുക്കപ്പെട്ട പി.എന്‍. ബാബുരാജന്‍ അഭിപ്രായപ്പെട്ടു. വിജയമന്ത്രങ്ങളുടെ രണ്ടാം ഭാഗം ഗ്രന്ഥകാരനില്‍ നിന്നും ഏറ്റുവാങ്ങി സംസാരിക്കുകയായിരുന്നു അദ്ദേഹം.

വിജയമന്ത്രത്തിന്റെ ഒന്നാം ഭാഗം രണ്ട് മാസം മുമ്പാണ് ഏറ്റുവാങ്ങിയത്. പുതുവര്‍ഷത്തില്‍ രണ്ടാം ഭാഗം ഏറ്റുവാങ്ങാനായത് ഭാഗ്യമാണ്. മലയാളം പോഡ്കാസ്റ്റിലൂടെ പ്രചാരം നേടിയ വിജയമന്ത്രങ്ങള്‍ എന്ന പുസ്തകവും സമൂഹത്തിലെ എല്ലാ വിഭാഗമാളുകളേയും സ്വാധീനിക്കുന്നതാണെന്ന് അദ്ദേഹം പറഞ്ഞു.