ബേബി ബോട്ടില്‍ ട്രന്‍ഡ് ആശാസ്യമല്ല
ഡോ. അമാനുല്ല വടക്കാങ്ങര
ദോഹ. ചില കഫേകളും റസ്റ്റോറന്റുകളും ഈയിടെ നടപ്പാക്കിയ ബേബി ബോട്ടില്‍ ട്രന്‍ഡ് ഖത്തരീ പാരമ്പര്യത്തിനും നിയമങ്ങള്‍ക്കും എതിരാണെന്നും ആശാസ്യമല്ലാത്ത ഈ പ്രവണത അവസാനിപ്പിക്കണമെന്നും വാണിജ്യ വ്യവസായ മന്ത്രാലയം.
പല കഫേകളും റസ്റ്റോറന്റുകളും ചെറിയ കുട്ടികള്‍ക്ക്് പാല് കൊടുക്കുന്ന തരത്തിലുള്ള ബോട്ടിലുകളില്‍ പല പാനീയങ്ങളും നല്‍കുന്നത് സോഷ്യല്‍ മീഡിയയില്‍ രൂക്ഷമായ വിമര്‍ശനങ്ങളുയര്‍ത്തിയിരുന്നു.
മാന്യവും പാരമ്പര്യങ്ങള്‍ക്ക് അനുസൃതമായ രീതികളാണ് സ്ഥാപനങ്ങള്‍ പിന്തുടരേണ്ടതെന്ന് മന്ത്രാലയം നിര്‍ദേശിച്ചു.
